VOV4.Sêdang - Hâi hnah, lơ 16 khế 11, a cheăm tíu tơkăng kong Ia Nan, tơring Đức Cơ, kong pơlê Gialai, {inh đoân 15 pơxiâm po hneăng tơ’noăng rơkê kúa xo chhá kơxu. Veăng tơ’noăng ai 56 ngế ko\ng nhân, tung mê ai vâ chê tơdế cho mơngế hdroâng kuăn ngo, teăng mâ ăm vâ chê 10.000 ngế ko\ng nhân dêi đông ối tung {inh đoân.

 Gialai ko\ng nhân kơ xu

{inh đoân 15, nôkố ai lối 42.000 hectar kơxu drô tíu tơkăng kong peăng kơnho\ng Tây Nguyên [a\ kong têa Kul, tơniăn tăng cheăng pêi ăm lối 17.000 ngế pêi cheăng; pêi lo liăn rêm khế dêi rêm ko\ng nhân sap 5 troh 7 rơtuh liăn. Hneăng tơ’noăng rơkê kúa xo chhá kơxu châ tơku\m po 2 hơnăm môi xôh, vâ mơhnhôk mâu ngế kúa xo chhá kơxu thăm rơkê pêi cheăng, kum châ kúa xo hên chhá kơxu.

A Sa Ly tơplôu [ă tơbleăng