VOV4.Sêdang - Troăng reăng 2017 – ‘’Tây Nguyên sôk ro hâi mơd^ng’’ cho inâi dêi troăng reăng 2017, tơku\m po a troăng Trần Hưng Đạo, kơpong tíu xiâm dêi Plông kân Đại Đoàn kết, pơlê kong kơdrâm Pleiku, kong pơlê Gialai. Tiô tối hdrối kô klêi a hâi lơ 22 troh 25 khế 12 hơnăm 2016. Troăng kân pơxiâm châ tơku\m po sap ing hơnăm 2014, rêm hơnăm pơrá ai môi tơdroăng pơxá tơ-ê dêi pó vâ pro krip le\m, mơjiâng nếo, pêi pro tiô tơdroăng ki rơhêng vâ ngăn mâu reăng ki le\m mơnâ mâ a kong măng lo hơnăm nếo môi tiah rêm hơnăm. Laga, vâi xuân ai rôh vâ châ ngăn ki le\m dêi troăng reăng 2017 [ă hên tơdroăng ki tơviah.

Katarina Nga tơplôu [ă tơbleăng