VOV4.Sêdang - Klêi pơlê kong kân Hà Nội pro pơhôi hên mâu tơdroăng ‘na tê mơdró xuân môi tiah pro tơngôu ‘na tơdroăng pơtâp ivá pá gong, hên kuăn pơlê, tơngôu, pro tơná ôh tá xâu, mâu ngê pơkuâ mâu tíu pêi cheăng tê mơdró xuân pro tơná ôh tá bê xâu, lơ tơngôu ‘na tơdroăng  mơdât pơreăng, ôh tá vâ hbrâ rơnáu, mơdât ah pơreăng kô châ tâ tú. Hlo ti mê, pơlê kong kân thế mâu pơlê krâm tơring, cheăm bêng rĕng hnê tối tơdrêng, hlối pơxâu phak mâu ngế ki pro xôi.

Séa ngăn tơdroăng hôm rak vế tro mâu tơdroăng pơkâ dêi pơlê kong kân ‘na hbrâ mơdât pơreăng a mâu pơlê krâm, tơring, pôa Chữ Xuân Dũng, Kăn phŏ hnê ngăn Vi ƀan pơlê kong kân Hà Nội ăm ‘nâi, xuân ối ngế ki ôh tá vâ tơmâng, bro tơná ôh tá xâu, ai tíu ki ‘nâ oh tá vâ rak tro luât pơkâ hbrâ mơdât pơreăng, ôh tá vâ ối kơtăn, chôu phut thế klĭng péa tíu pơchên kâ ôu ôh tá vâ pêi pro tro luât hiăng pơkâ.

Kăn xiâm hnê ngăn pơlê kong kân Hà Nội thế mâu kŏng an, Kăn xiâm hnê ngăn Vi ƀan mâu pơlê krâm, tơring, hnê mơhno ăm mâu khu râ kơvâ cheăng mơdêk hnoăng cheăng séa ngăn, ti tăng ngăn, pro kơtăng tro luât pơkâ pơxâu phak mơngế ki pro xôi luât.

Gương tơplôu ƀă tơbleăng