VOV4.Sêdang - Kơxo lơ 14/8, pôa Nguyễn Xuân Phúc, Ngế pro xiâm hnê ngăn tơnêi têa séa ngăn ‘na pơkâ ‘mâi rơnêu pro tiô rơnó a Hngêi ‘măn poăng Pôa Hồ Chí Minh, Kăn xiâm hnê ngăn tơnêi têa ki apoăng hơnăm 2019 dêi Khu rak ngăn Hngêi ‘măn poăng pôa.

Ngế pro xiâm hnê ngăn tơnêi têa tối, klêi péa khế ‘mâi rơnêu, tơ’noăng ‘mâi rơnêu po a Hngêi ‘măn poăng hiăng pê klêi [ă châ pôa Hồ Chí Minh châ rak ngăn krâu le\m má môi. Ngế pro xiâm hnê ngăn tơnêi têa ăm  lôu péa hngêi ‘măn poăng tơdah kuăn pơlê [ă tơmối troh lăm pôu ngăn pôa sap ing hâi kố lơ 15/8.

A rôh pêi cheăng, pôa Nguyễn Xuân Phúc tối nhên, hơnăm 2019 cho hơnăm ki tơbâ 50 hơnăm hâi pêi pro tiô rơkong hnê pơchân dêi Pôa Hồ Chí Minh, Kăn xiâm hnê ngăn tơnêi têa ki apoăng, xuân cho 50 hơnăm pêi pro tơdroăng cheăng rak ngăn krâu châ pôa.

Xua mê, mâu tơdroăng cheăng pêi ‘mâi rơnêu thăm rế ai pơxúa tâ, vâ lôu péa tơdah kuăn pơlê [ă tơmối hnối lăm pôu ngăn Pôa, mơhno hiâm mơno pâ nhoăm kô Pôa. Pôa Hồ đi đo cho tơdroăng ki loi nhoăm, cho ngế ki prôk hdrối mơhno ki tơru\m môi tuăn hdroâng mơngế, mơhno ki hơniâp le\m dêi kuăn pơlê tung lâp plâi tơnêi.

Gương tơplôu [ă tơbleăng