VOV4.Sêdang - Kuăn pơlê a Tây Nguyên ai tuăn mơno tơkâ luâ tơdroăng pá puât, mơ-eăm tơkâ luâ pêi cheăng pá puât vâ châ mơnhông tơ-[rê. Drêng yă tê kế tơmeăm pêi lo ing chiâk deăng chu rơpâ, kuăn pơlê dế xúa tơdroăng cheăng pêt tơvât mâu hdrê loăng tung môi [ăng tơnêi vâ mơdêk châ xo tơ’mot liăn. Pôa K’Ting, hdroâng kuăn ngo M’nông ối a pơlê Srêu, cheăm Dak Nia, pơlê kong krâm Gia Nghĩa, kong pơlê Dak Nông tối ăm ‘nâi, hơnăm 2020 kố rơpo\ng hngêi ngoh kô ‘no pêt tơvât dâng 50 xiâm hdrê loăng plâi sầu riêng, 20 xiâm plâi [ơr tung kơdrum kơphế 1 ha. Vâ châ xo tơ’nôm kơxo# liăn ing mâu plâi ki ê, pôa K’Ting púi vâ kơ koan, khu râ pơkuâ cheăng kal thế hnê kih thuât ‘na pêt loăng plâi ăm tơtro tâ [ă hlối pơkâ troăng hơlâ veăng kum hdrê phon rơvât:

‘’Vâ pơchông [ă 5 hơnăm hdrối mê kơphế, kơxu, tiu ối kơnâ yă tơdroăng rêh ối dêi kuăn pơlê chía tơ-[rê iâ, hơnăm kố mơhé ai tu\m kế tơmeăm tâ, môi tiah ai on tơhrik, ai troăng prôk tơ’lêi hlâu [ă le\m krúa tâ há, la tơdroăng rêh ối dêi vâi krâ nho\ng o xuân ối xahpá, chiâng ôh tá ai liăn vâ hrê tung rơpo\ng hngêi. Púi vâ tung hơnăm la ngiâ, Đảng, Tơnêi têa tơmâng kum kơjo rôe yă kơxu, kơphế, tiu ăm to kơnâ tâ iâ, kơjo kum yă phon rơvât ăm kuăn pơlê vâ kuăn pơlê kodroh iâ tơdroăng pá puât, mâu kăn [o# ngăn pêi chiâk deăng thế pơtối hnê kuăn pơlê ‘mâi pêt hdrê loăng ki dâi, tâng hmôu pơ môi tiah kố pêi chiâk deăng kuăn pơlê ôh tá ai tu\m hmê vâ kâ’’.

Katarina Nga tơplôu [ă tơbleăng