A hneăng hôp, mâu kăn lo ing 13 kong pơlê pa hdroh peăng Tơdế tơnêi têa [a\ Tây Nguyên pơrá ai môi mơnhên cho hdrong nhe\n rơnó khía rơxa\m dế kâ ‘nhê rơdâ [a\ pá vâ hbrâ mơdât. Kơpong kố nôkố hiăng ai troh vâ chê 7.000 ha alâi tro hdrong kố kâ ‘nhê.

Pôa Kpă Thuyên, Kăn pho\ hnê ngăn Vi [an kong pơlê Gia Lai tối ăm ‘nâi [a\ trâm hên pá puât, kơdroh tung hbrâ mơdât mê [a\ng alâi tung kong pơlê hdrong xông kâ ‘nhê rơdâ. Xêo troh tơdế khế 7, lâp kong pơlê ai troh 5.000 ha tung tâi tâng 31.000 ha alâi rơnó rơxa\m tro hdrong nhe\n rơnó khía rơxa\m kâ ‘nhê [a\ tâi tâng hdrê alâi pơrá tro hdrong kâ ‘nhê:

‘’Ki châ tơ-[rê hbrâ mơdât hdrong nhe\n rơnó khía rơxa\m tá hâi hôm khât, xua kố cho pơrea\ng ki nếo xua mê, ki hlê ple\ng dêi kuăn pơlê pêi chiâk deăng ‘na hdrong kố tá hâi ple\ng hên. Tơdroăng pơtâng tối, hnê mơhno dêi khu kăn pơkuâ tá hâi trâu hơngế, tá hâi mơhnhôk khu cheăng ki ai tung pơlê vâ kum kuăn pơlê tung hbrâ mơdât pơrea\ng. Tơdroăng pêt alâi ôh tá tơdrêng môi xôh, tung môi kơpong ai hên alâi châ pêt a hên hâi ê dêi pó, pro pá puât tung tơdroăng hbrâ mơdât tá hâi tơtro [a\ mơdât tơdroăng hdrong xông kâ rơdâ, mơdât ôa hdrong nhe\n rơnó khía rơxa\m’’.

Hdrong nhe\n rơnó khía rơxa\m kâ ‘nhê vâ chê 15.000 ha alâi tung lâp tơnêi têa

Tiô Kơ koan xiâm rak vế kơchâi, plâi pôm, troh tơdế khế 7, lâp tơnêi têa hiăng pêt dâng 415 rơpâu ha alâi, [a\ng tro hdrong nheăn rơnó khía rơxa\m kâ ‘nhê cho vâ chê 15.000 ha. Tung mê, [a\ng tro lup xua hdrong nheăn rơnó khía rơxa\m tâk dâng 1.300 ha. Tung khế 7, alâi rơnó rơxa\m kô pơtối pêt xua mê [a\ng hdrong kâ ‘nhê tâk. Ki tơtro\ng má môi, alâi rơnó khía rơxa\m ki hên dế ối ku\n, kố cho alâi tơ’lêi tro hdrong kâ ‘nhê. Tơdrêng amê, [a\ tơdroăng rơnó pơtối dêi pó, hdrong kô pơtối xông kâ ‘nhê a mâu rơnó pơtối.

Pôa Lê Quốc Doanh, Ngế xiâm pho\ pơkuâ ‘na pêi chiâk deăng [a\ mơnhông mơdêk thôn pơlê tối ăm ‘nâi, ôh tá xê kâ ‘nhê alâi, hdrong nheăn rơnó khía rơxa\m ối rơ-iô [a\ loăng plâi ki ê kal tơmâng ‘na tơdroăng hbrâ mơdât:

‘’Pin hlê ple\ng tu\m, kố cho ôa hdrong ki rơ-iô, gá ôh tá xê to kâ alâi, ối ai hên loăng plâi kâ ki ê laga alâi cho má môi. Ki rơhêng vâ tối, pin pêt tơmeăm pơtó rơnó, tá hâi pôe xo rơnó ki kố mê hiăng pêt rơnó nếo xua mê pơtó cho ôh tá tơniăn. Klêi mê ‘na sinh hok, ‘na pakong dêi hdrong kố, tơdroăng ai kuăn, xông kân xuân phá tơ-ê há’’.

Hdrong nhe\n khía rơnó rơxa\m alâi

Drêng ai tơdroăng ôh tá ‘nâi ví hdrối dêi hdrong nheăn rơnó khía rơxa\m, pôa Lê Quốc Doanh, Ngế xiâm pho\ xuân pơkâ thế khu kăn pơkuâ, kơvâ cheăng mâu kong pơlê hbrâ, thăm pêi pro mâu túa kơdê ôa hdrong tiô hnê mơhno dêi Khu xiâm; pơtâng tối [a\ hnê mơhno kuăn pơlê pêi pro tơdroăng hbrâ mơdât vâ kơdroh tro lu\p [a\ xông kâ ‘nhê. {a\ Kơ koan xiâm gak ngăn [a\ mâu Tíu xiâm hriăn ple\ng kơpong xuân kal hriăn ple\ng re\ng mâu túa hbrâ mơdât châ tơ-[rê vâ xúa tung mâu rơnó la ngiâ.

Công Bắc chêh tối

A Sa Ly tơplôu [a\ tơbleăng