VOV4.Sêdang - Kơxo lơ 2/7, Chin phuh po hneăng hôp mơ’no tơdrêng [ă mâu kăn 63 to kong pơlê, pơlê kong kân tung lâp tơnêi têa vâ tơpui ‘na tơdroăng cheăng kâ –rêh ối 6 khế hdrối nah [ă tơbleăng 6 khế mơ’nui hơnăm kố. Pôa Nguyễn Xuân Phúc, Ngế pro xiâm hnê ngăn tơnêi têa pơkuâ hneăng hôp tối nhên [ă tơdroăng hnê mơhno pêi pro tơdrêng, malối châ veăng môi tuăn ing mâu kăn [ă kuăn pơlê Việt Nam hiăng re\ng kâi mơdât pơreăng Covid-19, pro xiâm ki kal vâ Chin phuh hnê mơhno mơnhông cheăng kâ – rêh ối, kring vế tơnêi têa, châ lâp plâi tơnêi khe\n kơdeăn.

Tiô Ngế pro xiâm hnê ngăn tơnêi têa tối, pơreăng kân Covid-19 hiăng tơdjâk troh hên ‘na mơnhông cheăng kâ dêi tơnêi têa pin. Xua mê, hnoăng cheăng ‘mâi mơnhông cheăng kâ thế re\ng pêi tơdrêng. Ngế pro xiâm hnê ngăn tơnêi têa tối a hneăng hôp mê, troăng hơlâ pơkâ pêi mơnhông mơdêk, xúa rôh ki tơ’lêi séa ngăn mơdât pơreăng Covid-19 ah lơ vêh tâ tú nếo a tơnêi têa pin la hlối thế pêi pro kơtăng khât vâ mơnhông cheăng kâ, ai tiô tơdroăng púi vâ dei Đảng, Tơnêi têa [ă kuăn pơlê.

A hneăng hôp, Chin phuh [ă mâu kong pơlê tơpui tơno ‘na tơdroăng chêh tung hlá mơ-éa vâ pêi  ‘’tiô pơkâ pêi hngăm luâ tâ péa hdroh’’ tung tơdế hơnăm pêi ki u ối tung hơnăm 2020, pơtối rak vế pêi pro ki mơnhông tơ-[rê ‘na cheăng kâ.

Gương tơplôu [a\ tơbleăng