VOV4.Sêdang - A pơlê kong kơdrâm Đà Lạt, kong pơlê Lâm Đồng hiăng po hneăng hôp tơpui tơno Khu ngăn troăng prôk [ă rơxế kơtâu mâu kong pơlê, pơlê kong kân peăng Tơdế tơnêi têa – Tây Nguyên rôh má 12 hơnăm 2019.

Tâ tá hneăng hôp

Hneăng hôp hiăng tơmâng hlá mơ-éa tối tơbleăng mâu tơdroăng ki hiăng pêi pro klêi tung mơdêk mơjiâng, ‘mâi rơnêu hngêi trăng, troăng klông, mơnhông pơto chơ tơmeăm dêi kơpong peăng Tơdế tơnêi têa [ă Tây Nguyên, ing mê, ai troăng hơlâ mơnhông troăng prôk tung kơpong troh hơnăm 2020.

Ho\ng Hneăng hôp, Khu ngăn troăng prôk [ă rơxế kơtâu mâu kong pơlê [ă pơlê kong kân tung kơpong hiăng pơkâ mơ’no hên rơkong pâ thế ki kal tơdrêng amê hnối pâ thế rêm râ, kơvâ cheăng, Chin phuh mâu tơdroăng ki xiâm tơdjâk troh hnoăng cheăng rak ngăn Tơnêi têa ‘na kơvâ cheăng troăng prôk, hnoăng cheăng ‘no liăn cheăng, mơjiâng, rak ngăn [ă rak vế hngêi trăng, troăng klông, kơvâ rak ngăn pơto chơ kế tơmeăm, hnoăng cheăng pơkuâ ngăn kơvâ, hnoăng cheăng séa ngăn, ‘mâi rơnêu mâu troăng prôk ki tơkâ luâ mâu kong pơlê xuân môi tiah tung kơpong.

Katarina Nga tơplôu [ă tơbleăng