Pôa Phạm Văn Thái, ối a thôn Kiến Xuơng, cheăm {uôn Triết, tơring Lăk tối ăm ‘nâi: Rơpo\ng pôa ai 1 ha 2 sào klâng [ă lối 5 sào kơphế dế kal ai liăn vâ rôe phon rơvât, tơmeăm pêi cheăng kâ. 6 khế apoăng hơnăm kố, pôa Thái hiăng tơru\m [ă kăn [o# ki ăm mung liăn ngân dêi Hngêi rak liăn kum ‘na pêi chiâk deăng [ă mơnhông thôn pơlê ki ối a tơring Lak vâ kum hnê mơhno tối i nhên ăm vâi krâ-nho\ng o tung pơlê cheăm; Tơdrêng amê, kăn [o# ăm mung liăn kô séa ngăn nhên mâu kơdrum deăng, hngêi trăng. Roh ki ăm mung liăn hâi lơ 16 khế 6 pơla hdrối kố nah, pôa Thái lăm troh a tíu cheăng dêi Vi [an hnê ngăn cheăm, tíu ki rơxế ô tô dêi Hngêi rak liăn Agribank, cheăng a tơring Lăk hiăng tơkôm vâ pêi pro klêi hồ sơ [ă châ mung ai 150 rơtuh liăn. Pôa Thái hâk phíu xua kơxo# liăn ki châ mung kố cho tro roh, tro rơnó, ôh tá xê mơdrếo laih hên môi tiah mung pá kong tiah hdrối mê hía nah.

‘’Hâi kố, troh akố krếo inâi pin, tối hơnăm kot mâ mê pin k^ dêi inâi tung hlá mơ-éa ki mê. Klêi mê, xo liăn ing rơxế ô tô ing tơring vâi râng liăn. Á hlo ga tơ’lêi hlâu ‘nâng ăm vâi krâ-nho\ng o ngin. Ki má môi troăng prôk ôh tá hơngế, ki má péa ôh tá êa tơkôm vâi ton’’.

Roh ki ăm mung mơ’no rơxế ô tô troh a cheăm {uôn Triết

Pôa Nguyễn Đăng Trọng, Kăn hnê ngăn Vi [an cheăm {uôn Triết tối ăm ‘nâi: Cheăm ai 15 to thôn pơlê, ai lối 1 rơpâu 800 rơpo\ng. {uôn Triết cho cheăm ki pêi chiâk pêi deăng, ki hên cho pêi báu klâng, tâi tâng ai troh 2 rơpâu 300 ha. Troh rơnó pôe báu, tâi tâng mâu rơpo\ng pơrá kal liăn vâ rôe phon rơvât, rak ngăn dêi  báu [ă mâu hdrê loăng pêt ki ê. Pôa Trọng mơnhên tối, lối 1 hơnăm hiăng luâ, sap ing hâi ki ai roh ăm mung liăn ing Hngêi rak liăn Agribank, cho ki xiâm ing hngêi rak liăn dêi tơring Lăk a cheăm, kuăn pơlê châ tơ’lêi hlâu tung tơdroăng mung liăn, hnối châ kơd^ng liăn há, pơtroh liăn ngân, mơdrếo liăn [ă hên mâu tơdroăng ki ê. Kơxo# liăn ki mê châ re\ng kum ăm tơdrêng, veăng kơdroh iâ tơdroăng ki ai khu pá kong ăm mung liăn mơdrếo laih tơkâ hên.

‘’Sap ing ai rơxế chơ liăn dêi hngêi rak liăn troh a Vi [an hnê ngăn cheăm, mê tơdroăng cheăng hiăng châ tơ-[rê tâ, ai troăng pêi ki pro tơ’lêi hlâu ăm kuăn pơlê tung cheăm châ lăm mung liăn ing hngêi rak liăn hlâu. Vâi krâ-nho\ng o ôh tá xê eâ prôk hơgế troh a tơring xếo. Cheăm kố cho cheăm ki mơdâ pêt to báu, vâi krâ-nho\ng o hmâ trâm tơdroăng kong tô mơdrăng, khăng khoăng a rơnó tô, tro têa kân lân lu a rơnó mêi. Xua ti mê, tơdroăng ki châ mung tơ’lêi liăn ngân ing hngêi rak liăn a pơlê cheăm ga tơ’ló ‘nâng ăm vâi krâ-nho\ng o, kơpong pơlê cheăm dêi hdroâng kuăn ngo châ mung, châ pơtuah, tơdroăng ki chêh bro hlá mơ-éa xuân tơ’lêi [ă hlâu hle\ng há’’.

Pôa Nguyễn Hữu Xuân, Kăn pơkuâ hngêi rak liăn Agribank tơring Lăk tối ăm ‘nâi, klêi kơ’nâi ai rơxế pơto liăn ngân ăm kuăn pơlê mung a mâu cheăm rế  hía rế tơ’lêi hlâu. Môi khu ki troh a pơlê cheăm mê ki iâ ai 10 ngế, môi ngế châ mung ki vâ hên hlái ai 200 rơtuh liăn. Tíu ki ăm kuăn pơlê mung kơtăn ing cheăm ki achê má môi ai 20 km, ki vâ hơngế ó ai lối 60 km.

‘’{ă mâu tíu ki ngăn ‘na hngêi rak liăn kơvâ tơring, drêng troh a cheăm ăm vâi krâ-nho\ng o mung liăn ga chía ôh tá mơhrê liăn rôe têa kơxăng, prôk lăm, ôu kâ drô troăng. Tâi tâng hnoăng cheăng dêi Hngêi rak liăn Agribank pêi ti lâi drêng troh a pơlê cheăm xuân pro tiah mê. Xua mê, ga tơ’lêi hlâu ăm kuăn pơlê, ôh tá êa prôk lăm hơngế, ki má péa nếo ga tơniăn. Má pái nếo, châ mơdât tơdroăng ki tí tăng mung khu râng liăn pá kong mơdrếo laih kơnâ. Pin troh a pơlê cheăm, kum kuăn pơlê. Vâi ngoh o kăn [o# cheăng ‘na ăm mung liăn troh pêi cheăng a pơlê, ngăn tơdroăng rêh kâ ối, pêi cheăng kâ dêi vâi krâ-nho\ng o, pêt mơjiâng hdrê loăng klâi, păn mơnăn ki lâi, ing mê ah, teăm tơdrêng tung tơdroăng ăm kuăn pơlê mung liăn vâ pêi kâ’’.

Kơnôm ai troăng pêi mơ’no rơxế chơ liăn ngân ăm kuăn pơlê mung pơlê cheăm, mê tơdroăng ki kuăn pơlê vâ mung xuân châ hên há, hiăng ai 4 to cheăm ki pêi pro ti mê, tâi tâng kơxo# ki ăm kuăn pơlê mung châ 224 rơtal liăn. Tung mê, cheăm {uôn Triết ai 98 rơtal liăn; cheăm Krông Nô ai 78 rơtal liăn, cheăm Nam Ka ai 22 rơtal liăn; cheăm Ea Rbin ai 26 rơtal liăn. Pak^ng tơdroăng ăm mung liăn vâ pêi kâ, tơdroăng rêh ối dêi kuăn pơlê a mâu cheăm ki kố xuân hiăng châ tơtêk [ă hiăng hmâ [ă tơdroăng pơtroh liăn kơd^ng [ă pơtroh hlối há a tíu ki Khu hngêi rak liăn lăm cheăng a pơlê cheăm. Tơdroăng ki rơhêng vâ tối akố, tơdroăng ki mung liăn, ăm mung liăn ki mơdrếo liăn laih hên pá kong hiăng chía châ mơdât, u pá ai.

Lê Xuân Lãm chêh

Nhat Lisa tơplôu [ă tơbleăng