Hngêi trăng dêi on veăng jâ Hồ Thị Yến a cheăm Hồng Bắc, tơring A Lưới, kong pơlê Thừa Thiên Huế ối kơtăn troăng kân Hồ Chí Minh to lâi km. Mâu hơnăm tơplâ xâ nah, jâ Yến veăng pôu tơmeăm kâ, răng  pháu, pôu mâu lêng ki tro rong râ  tung tơplâ xâ [a\ po troăng Trường Sơn. Jâ Yến hơ’muăn tối, hâi mê nah cho pá puât ‘nâng, mâu vâi droh pơxiâm châ 19 hơnăm, nếo xông kân piu lôi dêi tơná veăng tung tơplâ xâ, ối tung kong tri trôu pâk tơngê mơdrâu.

Tíu tơplâ peăng mâ hâi lu Trị - Thiên mâu hơnăm mơ’nui dêi hơnăm 1960 cho tơplâ xâ ó khât ‘nâng. Mih hvât [om ó ‘nâng vâ mơdât ôh tá ăm prôk troăng kân Hồ Chí Minh veăng kum ăm peăng hdroh tơnêi têa. Laga kơnôm ivá rơdêi mâu rơxông ối nếo [a\ tơdroăng ru\m môi tuăn, rak ngăn dêi vâi krâ Pa Cô, Tà Ôi xuân môi tiah mâu hdroâng kuăn ngo ki ê a peăng mâ hâi lu Trị - Thiên, jâ Hồ Thị Yến rơtế [ă khu pú hiăng pêi kêi đeăng hnoăng cheăng châ pơcháu:

‘’Kho\m vâ tiô Đảng, tiô kăch măng, tiô Pôa Hồ. Kơhâi lăm chiâ, lăm pông, lăm pêi cheăng; kơmăng mê vêh koi ôh tá ai hngêi trăng, hmôu to prôk. Rế pôu râng tơmeăm, rế mơjiâng pro troăng kân, tíu ki lâi kal prôk mê lăm tíu ki mê. Prôk tiô, laga ôh tá thế môi ngế, prôk tâi tâng đông, tá tiêuh đoân. Á ple\ng ‘nâi kăch măng xua mê tiô kăch măng. Tơnêi têa hơniâp le\m, kuăn mơngế tâi tâng pơrá hơniâp ro’’.

Tíu koh tơbâ a kiâp Tám Cô, kong pơlê Quảng Bình

Lối 20 hơnăm sap ing troăng Trường Sơn sap ing hâi châ rơnêu troăng kân Hồ Chí Minh, troăng kân cho tơdroăng ki tơdjêp pơla mâu pơlê vâi krâ hdroâng kuăn ngo, kum kuăn pơlê ai liăn vâ mơnhông cheăng kâ, xăm kơklêa kơdroh kơtiê. Nâ Hối Thị Hoa, ối a cheăm Mà Cooi, tơring Đông Giang, kong pơlê Quảng Nam hơ’muăn tối, nah vâi krâ mơngế Cơ Tu lăm chiâk deăng vêh, ai hnông priât, to lâi hnông alâi lơ pôm, rup kuăn kiâ kong thế pôu troh pơlê kân P’rao vâ tê. Prôk [a\ vêh ton châ chôu, ai drêng ôh tá teăm troh a kơchơ ôh tá châ tê.

Nôkố, bu kal djâ a troăng kân Hồ Chí Minh, mê hiăng châ tê xua hên ngế prôk lăm. Nâ Hoa tối ăm ‘nâi, sap ing rơnêu troăng kân Hồ Chí Minh, vâi krâ akố hơ’leh tâi tâng [a\ng deăng pêt loăng nhe\n, pêi lo châ hr^ng rơtuh liăn môi hơnăm:

‘’Nah pá puât ‘nâng, lăm đôu tơpăng xuân ôh tá ai kơbố rôe, tăng kơpáu hên mê xuân ôh tá ai kơbố rôe, tê mơdró klâi xuân ôh tá chiâng. Kơnôm ai troăng kân Hồ Chí Minh mê nôkố tê mơdró hôm ‘nâng. Pơtih pêi alâi, ai tơpăng mê tê châ tâi. Môi tiah krui kuăn pơlê pêt akố, krí châ, [a\ tê loăng nhe\n xuân châ hên liăn’’.

Troăng kân Hồ Chí Minh tơkâ hluâ pơlê kân P’rao, tơring Đông Giang, kong pơlê Quảng Nam

Cheăm Mà Cooi, tơring Đông Giang, kong pơlê Quảng Nam xuân cho tíu Grup pơkuâ FVG rah vâ mơjiâng kơpong ôm hyô ngăn kong kế Cổng Trời xua ai ngo [a\ kiâp hmôu kân, ku\n ai tâi tâng. Kơpong ôm hyô ngăn kong kế, tíu ối kố ai tâi tâng kơxo# liăn mơ’no 400 rơtal liăn châ pói tơngah mơhnhôk dâng 100 rơpâu tơmối/hơnăm.

Tơdroăng mơjiâng pro tơdroăng ôm hyô drô troăng kân Hồ Chí Minh xuân châ hên kong pơlê tơmâng vâ pêi pro. Tíu kố ai hên tíu ôm hyô mơhno tơdroăng ton nah, khôi túa le\m tro, hên kiâp hmốu ki le\m, kong kế le\m mơnâ mâ ngăn môi tiah tíu ki le\m kong kế lâp plâi tơnêi – Kơdrum Tơnêi têa Phong Nha – Kẻ Bàng, kong pơlê Quảng Bình; Ilâng kiâ mô đo#i ki hlâ tung tơplâ xâ nah Trường Sơn, kong pơlê Quảng Trị; kơpong Độn So, tíu Lam Sơn, ngo ngối A Bia, tơring A Lưới, kong pơlê Thừa Thiên Huế; pơlê teăn hmôu Zara [a\ xí Grăng, tơring Nam Giang, kong pơlê Quảng Nam tối ăm ‘nâi, troăng kân Hồ Chí Minh tơkâ tơring xo\n 50 km, tơdjêp [a\ tơring kơpong kong ngo peăng mâ hâi luô kong pơlê Quảng Nam [a\ mâu kong pơlê Tây Nguyên, cho roh vâ mơnhông cheăng kâ, po rơdâ kơpong kuăn pơlê rêh ối xuân môi tiah po rơdâ pêi pro mâu troăng hơlâ kum rêh ối pơlê pơla:

‘’Troăng kân Hồ Chí Minh tơkâ luâ mâu kong pơlê cho tơdroăng ki phiu ro [a\ hâk phiu [a\ mâu ngế ki veăng tung tơplâ xâ nah [a\ xuân cho tơdroăng ki phiu ro [a\ rơxông ối nếo. Nôkố, mâu kong pơlê ki achê troăng kân Hồ Chí Minh mê kơxo# rơpo\ng kơtiê, vâ chê kơtiê rêm hơnăm pơrá kơdroh hên tâng pơchông [a\ mâu kong pơlê ki ê. Mê cho mơnhên ki nhên drêng ai troăng kân Hồ Chí Minh tơkâ luâ’’.

Nôkố, ing mâu troăng ku\n nah ki apoăng, troăng kân Hồ Chí Minh chiâng môi tung 4 troăng kân ki xiâm ing peăng kơnho\ng mot a peăng hdroh. Troăng kân xo\n ai 3.100 km hluâ mâu kơpong peăng mâ hâi Luô dế pơtối châ po rơdâ, ‘mâi rơnêu, [a\ pro roh tơ’lêi vâ mơnhông mơdêk kơpong [a\ tơdjêp tê mơdró [a\ mâu kong têa tung kơpong.

VOV Tơdế Tơnêi têa

A Sa Ly tơplôu [a\ tơbleăng