VOV4.Sêdang - Kơxo kố lơ18/6, a Hà Nội, Khu xiâm ngăn chiâk deăng ƀă mơnhông thôn pơlê prế Khu xiâm pơtâng tối tơdroăng kal tiô troăng hyôh um tơvi, rơ’jiu, internet pơkuâ po hôp ‘no tơdrêng ing um tơvi lâp tơnêi têa ‘na “hơ’lêh kơxô̆ tung kơvâ pêi chiâk deăng ƀă mơnhông thôn pơlê”. Tiô pơkâ dêi Ngế pro xiâm hnê ngăn Chin phuh ‘na tơdroăng ki hơ’lêh kơxô̆ tơnêi têa troh hơnăm 2025, ƀă troăng ngăn pơkâ troh hơnăm 2030, hơ’lêh kơxô̆ tung pêi chiâk deăng cho vâ pro tơnêi tơníu, kong kế kơxô̆ pêi chiâk deăng pro tơdroăng ki xiâm, pro tơ’lêi hlâu, mơdêk hơ’lêh sap ing “pêi chiâk deăng” ngi “Tơdroăng pêi chiâk deăng”; mơnhông tơdroăng pêi chiâk deăng xúa kơmăi kơmok chal nếo tiô troăng ki tơtrŏng pêi chiâk deăng kơxô̆ tung tơdroăng cheăng kâ.

Tiô tơdroăng Hơ’lêh kơxô̆ tơnêi têa dêi Việt Nam, pêi chiâk deăng châ mơnhên cho môi tung 8 to kơvâ ki châ kơjo hơ’lêh kơxô̆. Vâ hơ’lêh kơxô̆ tơƀrê tung kơvâ pêi chiâk deăng, a thế xúa kơmăi kơmok chal nếo tung rêm mâu tơdroăng ki pêt, mơjiâng pro, uâ pơliê, rak ngăn, pơto chơ, tê mơdró.

Nga tơplôu ƀă tơbleăng