Sap hơnăm 2023 troh hâi lơ 19/3/2024, kong pơlê Dak Lak ai 8 ngế hlâ xua pơreăng kôk rơxok, hên má 3 tung lâp tơnêi têa. Krê sap apoăng hơnăm troh nôkố, kong pơlê ai 4 ngế hlâ xua tâ pơreăng rơxok, tơ’mô ƀăng kơxô̆ mơngế hlâ xua pơreăng kôk rơxok tung plâ hơnăm 2023.
Vi ƀan kuăn pơlê kong pơlê Dak Lak ăm ‘nâi, vâ kơdroh ki tâ tú pơreăng kôk rơxok xuân môi tiah kơdroh kơxô̆ mơngế hlâ xua kôk rơxok, mâu khu râ kơvâ cheăng ƀă mâu cheăm bêng tơring kal thế tơkŭm tŭm tơdroăng vâ pêi tro mâu pơkâ hbrâ mơdât kôk rơxok ki kong pơlê hiăng pơkâ.
Tiô Vi ƀan kuăn pơlê dêi kong pơlê, tơdroăng pêi pro ki tơƀrê vâ kơdroh kôk rơxok mê cho mơdêk pâk vaccine hbrâ mơdât kôk rơxok, mơ-eăm pâk vaccine mơdât kôk rơxok ăm lối 70% tung tâi tâng mâu chó miếo tung pơla hơnăm 2022 - 2025, vâ châ 80% tung pơla hơnăm 2026-2030.
Viết bình luận