Hdrối mâu tơdroăng ki tơ’lêi pơreăng xông tâ tú, ki má lối cho ƀă pơreăng tơngê lo mơheăm, lo xêi, êi krôk, kơvâ ngăn pơkeăng ƀă khăm pơlât Kon Tum dế pêi pro rơdêi tơdroăng hbrâ, mơdât vâ rơnó tơkŭm a hngêi trung dêi mâu vâi o hok tro thăm tơniăn lĕm.
Pơtối mê, kơvâ ngăn pơkeăng ƀă khăm pơlât kong pơlê Kon Tum tơkŭm po mâu khu séa ngăn, pêi pro tơdroăng hbrâ, mơdât pơreăng, ki má lối cho a kơpong châ hlo mâu ngế tro tâ pơreăng, tơ’lêi xông tâ tú pơreăng ƀă mâu kơpong tá hâi châ pơkuâ tơtro mâu ngế pâk pơkeăng lơ kơxô̆ pâk pơkeăng iâ.
Ƀok thái pơkeăng chuyên khoa II Đỗ Ngọc Hòa, Kăn phŏ pơkuâ ngăn pơkeăng ƀă khăm pơlât kong pơlê Kon Tum tối ăm ‘nâi, ƀă mâu pơreăng êi krôk xuân môi tiah mâu pơreăng tâ tú ki ê, Kon Tum hiăng châ Khu xiâm pơkuâ ngăn pơkeăng ƀă khăm pơlât xing xoăng tŭm vaccine ƀă nôkố kơvâ dế mơhnhôk mâu rơpŏng, nôu pâ djâ vâi hdrêng lăm pâk pơkeăng vâ rak ngăn ivá ăm mâu vâi o tung rơnó tơkŭm hngêi trung.
Viết bình luận