VOV4.Sêdang - Hâi lơ 22/6, jâ Trương Thị Mai, Kăn cheăng tung tíu xiâm kal kí, kăn pơkuâ ngăn tíu xiâm Đảng, kăn hnê mơhnhôk cheăng Tơnêi têa [ă mâu kăn Kuo#k ho#i kong pơlê Lâm Đồng hiăng ai rôh trâm mâ kuăn pơlê a pơlê kong kơdrâm Đà Lạt klêi kơ’nâi rôh má 9, Kuo#k ho#i hneăng má 14.

Jâ Trương Thị Mai tiâ mơnhên mâu rơkong tơpui tối, pâ thế dêi kuăn pơlê pơlê kong kơdrâm Đà Lạt

A rôh trâm mâ, kuăn pơlê pâ thế ‘na hnoăng cheăng rak ngăn kong tá hâi kơtăng, hên tơring, cheăm xuân ối ai tơdroăng ki ko ‘nhiê kong, hdi xo tơnêi kong ôh tá tro luât. Hnoăng cheăng pơkâ ối ai hên tơvâ tơvân, ôh tá tơtro [ă tơdroăng ki ai khât tung rêh ối dêi kuăn pơlê.

Kuăn pơlê xuân pâ thế tơdroăng ki ‘nêk mơ’nêa vâi hdrêng pro hêng hôu tung kuăn pơlê, kal hdreăm hôu [ă pơkâ ‘mot tung luât ki ‘mâi rơnêu, ‘mot tơ’nôm vâ pơkâ tơleăng kơtăng.

‘Na liăn khế, kuăn pơlê pâ thế Kuo#k ho#i tơmâng ngăn ‘mâi rơnêu ‘mot tung luât vâ veăng kum hơ’leh, mơdêk tơdroăng rêh ối dêi mâu kăn [o# ki hiăng pơtê cheăng hdrối hơnăm 1995.

Katarina Nga tơplôu [ă bleăng