VOV4.Sêdang - Kơxo lơ 1/7, a kong pơlê Hưng Yên hiăng po hneăng hôp tơbleăng pơkâ dêi khu xiâm kal kí ‘na tơdroăng cheăng kăn ƀô̆. A  hneăng hôp, pôa Nguyễn Quang Dương, Ngế cheăng tung khu xiâm Đảng, Ngế phŏ ngế ngăn khu tơrŭm cheăng xiâm tơnêi têa tơbleăng pơkâ dêi Khu xiâm kal kí xĭng xoăng, rah  thế  pôa Nguyễn Hữu Nghiã, Ngế phŏ pơkuâ ngăn ‘na cheăng kâ xiâm tơnêi têa veăng tung Khu kăn, Khu pơkuâ cheăng Đảng kong pơlê Hưng Yên, pro kăn hnê ngăn Đảng kong pơlê Hưng Yên, hneăng hơnăm 2020-2025. Pơkâ mê xêt sap lơ 15/6/2021.

Tơpui a rôh xo hnoăng cheăng pêi, pôa Nguyễn Hưũ Nghiã, Kăn hnê ngăn Đảng kong pơlê Hưng Yên tơhrâ kô mơ-eăm pêi cheăng tâi ivá tơná, rơtế ƀă mâu khu pơkuâ cheăng, khu râ kăn Đảng kong pơlê tơkâ luâ mâu tơdroăng xơpá, pơloăng mơnúa, kăn hnê ngăn tung kong pơlê châ pêi tiô pơkâ hneăng hôp Đảng bộ kong pơlê rôh má 19 hneăng hơnăm 2020-2025; mơjiâng Đảng bộ, khu cheăng kal kí pêi cheăng tơdrăng lĕm, mơjiâng kong pơlê Hưng Yên mơnhông tơ-ƀrê kong pơlê kro mơdrŏng.

Gương tơplôu ƀă tơbleăng