VOV4.Sêdang - Kơxo lơ 29/6, a  Hải Phòng po rôh hôp má Môi, Hô̆i đong hnê ngăn pơlê kong kân hneăng má 16. Vi ƀan tâ phĭu pơlê kong kân Hải Phòng tối tơbleăng kơxô̆ phĭu hiăng klêi tâ ƀă tối ăm ‘nâi cho kăn hnê ngăn Hô̆i đong hnê ngăn pơlê kong kân hneăng 16, hneăng hơnăm 2021-2026. Xuân a rôh hôp mê, mâu kăn Hô̆i đong hnê ngăn pơlê kong kân hiăng tâ phĭu rah xo mâu kăn xiâm dêi Hô̆i đong hnê ngăn ƀă Vi ƀan hnê ngăn pơlê kong kân, mâu kơ koan dêi Hô̆i đong hnê ngăn, Mâu ngế cheăng tung Vi ƀan hnê ngăn pơlê kong kân; tâ phĭu rah xo mâu Kăn hngêi Tơleăng pơlê kong kân tiô luât pơkâ, vâ mơjiâng, ‘mâi xĭng xoăng tâi tâng mâu kăn cheăng a kong pơlê,  vâ tơdroăng cheăng pêi tơ-ƀrê tung la ngiâ.

Veăng hôp ƀă tối tơbleăng a rôh hôp, pôa Vương Đình Huệ, Kăn xiâm hnê ngăn Kuô̆k hô̆i púi vâ loi khât tiah kố, tung mâu hơnăm 2021-2026, Hô̆i đong pơlê kong kân Hải Phòng kô pơtối pơ’lêh nếo rơdêi tâ vâ pơtối mơnhông Hải Phòng chiâng pơlê kong kân ki mơnhông tơ-ƀrê tung cheăng kâ, rêh ối dêi tơnêi têa.

Gương tơplôu ƀă tơbleăng