VOV4.Sêdang - Tung roh lăm pôu ƀă pêi cheăng ƀă mâu kong pơlê Tây Nguyên, kơxê lơ 30/6, pôa Vương Đình Huệ, Kăn xiâm hnê ngăn Kuô̆k hô̆i ƀă khu râ kăn pêi cheăng hiăng lăm pôu ƀă pêi cheăng ƀă khu râ kăn pơkuâ kong pơlê Dak Lak.

Pêi cheăng ƀă khu râ kăn pơkuâ kong pơlê Dak Lak, Kăn xiâm hnê ngăn Kuô̆k hô̆i môi tuăn ƀă mâu hnoăng cheăng la ngiâ dêi kong pơlê pơkâ pêi tung 6 khế mơ’nui hơnăm ƀă tối rơdêi kong pơlê kal pơtối pêi pro tơtro mâu pơkâ dêi Đảng, Đảng ƀô̆ kong pơlê; ‘nâi nhên tơdroăng pơreăng COVID 19 xông tâ tú vâ ai troăng mơdât teăm tơdrêng, thăm hbrâ mơdât pơreăng, thế rĕng ƀă ing hơngế, ôh tá tơngôu, vêh séa ngăn mâu troăng pêi pŭn tơdrêng ing mơngế pêi cheăng, tơmeăm vâ hbrâ mơdât pơreăng, tơmeăm khăm pơlât ôh tá ăm pá puât, kơdrâ môi xôh.

Kăn xiâm hnê ngăn Kuô̆k hô̆i lăm pôu ƀă pêi cheăng a Dak Lak, Dak Nông

Tung roh pêi cheăng a kong pơlê Dak Nông, Kăn xiâm hnê ngăn Kuô̆k hô̆i hiăng lăm pôu, diâp kơxuô tơmeăm ăm mâu kŏng nhân ai tơdroăng rêh ối pá puât ối tung kŏng ti nhôm Alumin, cheăm Nhân Cơ, tơring Dak Rlấp; lăm pôu tơdroăng tơkêa bro kơpong hngêi kơmăi mơjiâng pro alumin Nhân Cơ – Dak Nông

A Sa Ly tơplôu ƀă tơbleăng