VOV4.Sêdang - Kơxo lơ 12/7, a hngêi hôp Kuô̆k hô̆i, pôa Vương Đình Huệ, kăn xiâm hnê ngăn Kuô̆k hô̆i, kăn xiâm hnê ngăn Hô̆i đong tâ phĭu Tơnêi têa hiăng pơkuâ po rôh hôp má 8, kố cho rôh hôp má mơ’nui dêi Hô̆i đong tâ phĭu Tơnêi têa.

Kăn xiâm hnê ngăn Kuô̆k hô̆i pơkuâ po Rôh hôp má 8 dêi Hô̆i đong tâ phĭu tơnêi têa

Pôa Vương Đình Huệ, kăn xiâm hnê ngăn Kuô̆k hô̆i ăm ‘nâi, klêi kơ’nâi mơnhên hiâm mơno mâu kăn, tâi tâng rêm râ Hô̆i đong hnê ngăn troh nôkố hiăng klêi rôh hôp má môi ƀă hiăng séa ngăn klêi tâi tâng mâu ngế cheăng dêi Hô̆i đong hnê ngăn kong pơlê, Vi ƀan hnê ngăn sap ing râ kong pơlê, râ tơring troh râ cheăm.

Kăn xiâm hnê ngăn Kuô̆k hô̆i hiăng kĭ pơkâ inâi mâu ngế ki châ rah xo kăn hnê ngăn, kăn phŏ hnê ngăn Hô̆i đong hnê ngăn râ kong pơlê. A rôh hôp má môi, Kuô̆k hô̆i hneăng má 15 séa ngăn mâu ngế cheăng pơkuâ xiâm dêi Tơnêi têa ƀă mâu ngế cheăng râ kăn xiâm ƀă tâi tâng kơxô̆ 50 ngế cheăng pơkuâ râ kăn xiâm. Tiah mê, klêi kơ’nâi rôh hôp má môi dêi Kuô̆k hô̆i hneăng má 15, tâi tâng hnoăng cheăng mâu ngế cheăng pơkuâ rêm râ châ séa ngăn klêi kơ’nâi Hneăng hôp.

Katarina Nga tơplôu ƀă tơbleăng