VOV4.Sêdang - Troh lăm pôu ƀă hlối hbru tơmeăm ăm kuăn pơlê, mơngế pêi cheăng trâm xơpá xua tơdjâk pơreăng COVID-19, pôa Vương Đình Huệ, Kăn xiâm hnê ngăn Kuô̆k hô̆i khĕn kơdeăn hnoăng ki kơdôu mơ-eăm dêi kŏng đoân mâu râ kơpêng tung kong pơlê Dak Lak mơhé xơpá, la hiăng tơkŭm po klêi hên tơdroăng cheăng kum pơlê pơla, tơmâng khât tơdroăng rêh ối ăm mâu đoân viên, kŏng đoân ôh tá xê to tung kong pơlê mê ối veăng tơlo liăn kum, mơhnhôk tơ’lêi mâu ngế ki pêi cheăng a kong pơlê Bắc Giang, Quảng Ninh...

Kăn xiâm hnê ngăn Kuô̆k hô̆i diâp kơxu tơmeăm ăm mâu kŏng nhân, mơngế pêi cheăng ki trâm xơpá

Kố cho mâu tơdroăng pêi pro ki ai pơxúa khât, pêng tơdroăng hơ-ui pâ dêi rơpó, mơhno tơdroăng ki lĕm ƀă pêi pro troh lâp lu, veăng ‘no hnoăng mơhnhôk, hơlêm mâu đoân viên ƀă mâu ngế pêi cheăng, malối mâu ngế ki kơtiê xơpá hiăng ‘nâi kơdo mơ-eăm tơkâ luâ xơpá, hiăng ‘nâi mơ-eăm hơhnâ tung pêi cheăng.

Pôa Vương Đình Huệ khĕn kơdeăn rêm râ kŏng đoân kong pơlê Dak Lak ƀă tơdroăng veăng ‘no hnoăng dêi mâu kơ koan, tíu pêi cheăng, kuăn pơlê, khu mơdró. Rôh kố, pôa Vương Đình Huệ, Kăn xiâm hnê ngăn Kuô̆k hô̆i, pôa Bùi Văn Cường, Ngế pơkuâ Ƀơrô Kuô̆k hô̆i ƀă mâu ngế tung khu kăn ki lăm pêi cheăng hiăng diâp 50 kơxu tơmeăm ăm mâu kŏng nhân, mơngế pêi cheăng ki trâm xơpá xua tơdjâk pơreăng COVID-19.

Gương tơplôu ƀă tơbleăng