VOV4.Sêdang - Kơxê lơ 7/7,  a hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i hiăng tơpui tơno tơdrêng tung um tơvi ƀă pôa Habid El Malki, Kăn xiâm hnê ngăn Kuô̆k hô̆i râ má péa Maroc. A rôh tơpui tơno, péa ngế kăn tối nhên, Việt Nam ƀă Maroc ai tơrŭm cheăng tiah hmâ sap ing ton nah, péa tơnêi têa mơhé ối hơngế dêi rơpó la ai tơdroăng ki tơchoâm ‘na tơdroăng ton nah ƀă tung pơla mơnhông mơdêk, rơtế cho mâu kong têa ki dế mơnhông tơ-ƀrê, tung khu ki Ôh tá tơrŭm achê ƀă xuân cho Khu kong têa tơpui nâl Pơhlăng.

Kăn xiâm hnê ngăn Kuô̆k hô̆i tơpui ƀă Kăn xiâm hnê ngăn Kuô̆k hô̆i râ má péa Maroc

Kố cho ki tơ’lêi hlâu ăm tơdroăng mơnhông mơdêk tơrŭm cheăng pơla péa pâ tung mâu tơdroăng cheăng la ngiâ kô ah. Péa pâ pơtối rak vế luât pơkâ tơrŭm krá a mâu rôh po hneăng hôp ki tơpui hên tơdroăng môi tiah IPU, APF ƀă mâu khu tơrŭm cheăng dêi Kuô̆k hô̆i  ki tơpui hên tơdroăng; môi tuăn tiô troăng hơlâ dêi rơpó ‘na tơdroăng tung kơpong ƀă lâp plâi tơnêi ki péa pâ rơtế vâ ‘nâi plĕng.

Tơrŭm séa ngăn, tí tăng ngăn pêi pro mâu tơdroăng kĭ tơhrâ tơrŭm pơla Chin phuh ƀă mâu khu xiâm kơvâ cheăng dêi péa tơnêi têa, vâ tơdroăng kĭ tơhrâ mê châ tơbleăng pêi tơdâng tơ’mô pro pơxúa tơƀrê, tơxâng ƀă tơdroăng tơrŭm kal kí tơniăn lĕm pơla péa tơnêi.

Gương tơplôu ƀă tơbleăng