VOV4.Sêdang - Kơxo lơ 9/7, a kong pơlê Dak Nông tơku\m po leh pơxiâm po hneăng hôp roh má 10, Ho#i đong kong pơlê hneăng III, hơnăm 2016 – 2020. Jâ Nguyễn Thị Kim Ngân, Kăn xiâm hnê ngăn Kuo#k ho#i [a\ Khu râ kăn xiâm dêi Kuo#k ho#i veăng leh pơxiâm po. Xông tơpui akố, jâ Nguyễn Thị Kim Ngân tối nhên, rêm ngế kăn Ho#i đong kuăn pơlê kal achê kuăn pơlê tâ vâ tơmâng mâu rơkong pói vâ ki tơtro dêi kuăn pơlê, pêi pro tơtro hnoăng dêi mâu kăn ki kuăn pơlê rah xo.

Tâi tâng a hneăng hôp má 10 Ho#i đong kong pơlê Dak Nông

Vâ pơtối mơnhông mâu tơdroăng hiăng châ tơ-[rê, jâ Nguyễn Thị Kim Ngân pơkâ thế mâu khu râ kăn pơkuâ hnê ngăn cheăng Đảng kong pơlê, khu râ kăn pơkuâ kong pơlê Dak Nông tơku\m mơnhông tâi ivá ru\m môi tuăn, hbrâ rơnáu, tơmiât pêi rơkê drêng ai roh, mơnhông tơmeăm ki tơ’lêi ai dêi kong pơlê peăng hdroh Tây Nguyên.

Kăn xiâm hnê ngăn Kuo#k ho#i xông tơpui a hneăng hôp

Klăng roh kố, jâ Nguyễn Thị Kim Ngân rơkâu kong pơlê Dak Nông châ UNESCO mơnhên Kiâp hmố Dak Nông cho kiâp hmốu lâp plâi tơnêi.

Hneăng hôp roh má 10 dêi Ho#i đong kong pơlê Dak Nông kô tơku\m po tung 2 hâi séa ngăn ki châ tơ-[rê pêi pro pơkâ mơnhông mơdêk cheăng kâ – rêh ối pơlê pơla hơnăm 2019; tơdroăng mơnhông mơdêk cheăng kâ – rêh ối pơlê pơla, kring vế cheăng lêng 6 khế apoăng hơnăm [a\ hnoăng cheăng 6 khế mơ’nui hơnăm; ing mâu pơkâ ‘na tơdroăng cheăng kăn [o#, kơ-êng [a\ tiâ rơkong kơ-êng a hneăng hôp rơtế mâu tơdroăng xiâm kal ki ê.

A Sa Ly tơplôu [a\ tơbleăng