VOV4.Sêdang - Kơxê 14/7, a tíu pêi cheăng dêi Kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa hiăng krếo phôn tơpui tơno ƀă pôa Klaus Werner Iohannis, Kăn xiâm pơkuâ kong têa Romania.  Péa ngế kăn xiâm tơpui tơno hên tơdroăng vâ mơdêk po rơdâ ƀă pro trâu tơ’nôm tơdroăng tơrŭm cheăng pơla péa tơnêi têa, môi tuăn ƀă mơdêk mâu luât pơkâ tơpui tơno pơla péa pâ hlối mơdêk tơrŭm cheăng tung mâu tơdroăng môi tiah cheăng kâ-tê mơdró, hnê hriâm-hnê cheăng pêi tung tơrŭm pêi cheăng.

Kăn xiâm hnê ngăn tơnêi têa krếo phôn kơ Kăn xiâm pơkuâ kong têa Romania

Kăn xiâm pơkuâ kong têa Romania tơbleăng tối, ing tơdroăng tơrŭm lĕm tro pơla péa tơnêi têa, chin phuh Romania hiăng pơkâ pơxá ăm Việt Nam 100 rơpâu klŏng vaccine Astra Zeneca, xuân môi tiah séa ngăn khât tơdroăng  hên vaccine  ăm Việt Nam tung la ngiâ. 

Pôa Nguyễn Xuân Phúc tối mơnê mâu tơdroăng ki kơnía ƀă veăng kum teăm tơdrêng ki kăn xiâm pơkuâ kong têa ƀă kuăn pơlê Romania  ‘măn ăm Việt Nam tung pơla dế trâm hên xơpá, tối kơxô̆ vaccine mê kô veăng kum hbrâ mơdât pơreăng COVID-19 dêi Việt Nam.

Gương tơplôu ƀă tơbleăng