VOV4.Sêdang - Kơxê lơ 21/6 , a Ƀơrô kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa tơdah pôa Vivian Balakrishnan, Ngế xiâm tơpui kâ kong têa Singapore koh tơpui tơno tung hneăng lăm pôu Việt Nam sap lơ 20-23/6. A rôh tơdah, pôa Nguyễn Xuân phúc khĕn kơdeăn tơdroăng tơrŭm pơla Việt Nam ƀă Singapore dế mơnhông tơ-ƀrê rêm hâi ƀă trâu rơdâ, tơ-ƀrê tâ.

Kăn xiâm hnê ngăn tơnêi têa tơdah Ngế xiâm tơpui kâ kong têa Singapore

Singapore đi đo cho môi tung mâu kong têa ki tơrŭm má môi; malối, sap apoăng hơnăm 2020 troh nôkố hiăng chiâng kong têa ki djâ troăng ahdrối tung 70 to kong têa ƀă tung kơpong ‘no liăn pêi cheăng a Việt Nam; tuá pêi cheăng dêi kơpong hngêi kơmăi Pơla Việt Nam - Singapore veăng pro pơxúa hên khât ‘na cheăng kâ rêh ối a Việt nam.

‘Na Biển Đông, Ngế xiâm tơpui kâ kong têa Singapore tối nhoăm tơdroăng kring tơniăn hơniâp lĕm, tơniăn a têa kơxĭ ƀă a troăng tơ-ƀai a Biển Đông,  tơniăn tiô luât pơkâ, tung mê ai  tơdroăng Tơhrâ ‘na Luât têa kơxĭ hơnăm 1982.

Gương tơplôu ƀă tơbleăng