VOV4.Sêdang - Tung pơla tơnêi têa phiu ro koh tơbâ 74 hơnăm hâi mơjiâng tơnêi têa, 50 hơnăm pêi pro tiô Rơkong tối pơchân dêi Pôa Hồ Chí Minh [ă leh tơbâ 50 hơnăm hâi Pôa hlâ, pôa Nguyễn Phú Trọng, Kăn xiâm pơkuâ hnê ngăn Đảng, Kăn xiâm hnê ngăn tơnêi têa  hiăng troh chôu nháng tơbâ Pôa Hồ Chí Minh a Hngêi 67 tung Kơpong tíu tơbâ Hồ Chí Minh, Kăn xiâm hnê ngăn tơnêi têa a tíu pêi cheăng dêi kăn xiâm hnê ngăn tơnêi têa.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa chôu nhang tơbâ Pôa Hồ Chí Minh, Kăn xiâm hnê ngăn tơnêi têa ki apoăng

Pôa Nguyễn Phú Trọng hâk mơnê kơ mâu kăn [o#, mâu ngế pêi cheăng a tíu tơbâ hiăng kơdo mơ-eăm pêi tro tơdroăng cheăng pơcháu rak vế mâu hlá mơ-éa tơmeăm kơnía git ‘na rơxông [ă tơdroăng cheăng kăch măng dêi Pôa Hồ Chí Minh.

Kăn xiâm pơkuâ hnê ngăn tối pơchân, Kơpong tíu tơbâ thế mơhnhôk mâu ngế pêi cheăng, hnê tối tung lâp lu trâu rơdâ tâ nếo cho ngế djâ troăng ‘na hiâm mơno le\m Pôa Hồ, túa pêi cheăng, tuăn tơmiât, tơdroăng cheăng tung rêh ối ki le\m tro dêi Pôa troh rêm ngế kuăn pơlê [ă vâi pú tung lâp plâi tơnêi.