VOV4.Sêdang - Tung rôh lăm pôu Việt Nam, kơxo lơ 29/6, pôa Thongloun Sisoulith, Kăn xiâm pơkuâ hnê ngăn Đảng, Kăn xiâm hnê ngăn kong têa Lếo hiăng tơdah pôa Đỗ Văn Chiến, Kăn xiâm hnê ngăn Đảng, Kăn xiâm hnê ngăn Vi ƀan Măt trâ̆n tơnêi têa Việt Nam ƀă Khu kăn tơrŭm cheăng pơla Việt Nam - Lếo, Khu Tí tăng ‘nâi plĕng dêi Khu kăn rơkê hneăng hdrối, mâu lêng Việt Nam ki pleăng hnoăng tơná tơplâ a Lếo nah.

Rơkâu hiăng klêi po tơniăn hneăng hôp rôh má 11 dêi Đảng Nhân yân Kăch măng Lếo, Kăn xiâm hnê ngăn Vi ƀan xiâm Măt trâ̆n tơnêi têa Việt Nam tối nhên hneăng lăm pôu dêi Kăn xiâm pơkuâ hnê ngăn Đảng, Kăn xiâm hnê ngăn kong têa Lếo kô mơdêk tơrŭm cheăng pơla Việt Nam - Lếo mơnhông tơ-ƀrê tâ.

Pôa Thongloun Sisoulith, Kăn xiâm pơkuâ hnê ngăn Đảng, Kăn xiâm hnê ngăn kong têa Lếo tơngah kâi mơdât pơreăng COVID-19, Măt trâ̆n tơnêi têa Việt Nam ƀă Măt trâ̆n Lếo pơtối tơpui tơno, rak vế, pơtối tơrŭm krá khât, tơxâng ƀă mâu hnoăng ki hiăng ‘no lo mơheăm chá dêi mâu rơxông hdrối nah.

Gương tơplôu ƀă tơbleăng