VOV4.Sêdang - Hâi lơ 23/8, a Hà Nội, pôa Nguyễn Phú Trọng, Kăn xiâm pơkuâ hnê ngăn Đảng tơnêi têa pin hiăng pơkuâ ngăn hneăng hôp Khu hnê mơhno ‘na mơngế pêi cheăng dêi Hneăng hôp má 13 dêi Đảng. Khu hnê mơhno mê hiăng tơmâng mâu ki veăng kum cheăng tối tơbleăng ‘na tơdroăng cheăng dêi Khu hnê mơhno ‘na mơngế cheăng a Hneăng hôp kân má 13 dêi Đảng sap ing nôkố tá troh a Hneăng hôp kân Đảng; tung hlá mơ-éa chêh tối ‘na Tơdroăng pơkâ tối tơbleăng mơgêi hnoăng cheăng ngăn ‘na mơngế pêi cheăng Hneăng kân kân Đảng má 12 [ă pơkâ troăng hơlâ ‘na mơngế cheăng tung Khu xiâm pơkuâ ngăn Đảng hneăng 13.

Pôa Nguyễn Phú Trọng [ă Khu hnê mơhno ngăn ‘na mơngế ai tối nhên: Péa tơdroăng ki kal xiâm dêi rêm hneăng hôp kân Đảng cho tơdroăng tơpui tơno, pơkâ troăng hơlâ, hnoăng cheăng kal kí dêi Đảng [ă pôk mâu ngế pro kăn xiâm pơkuâ Đảng. Péa tơdroăng kố ai tơdjâk dêi pó krá khât, athế hbrâ rơnáu le\m tro tá péa tơdroăng, la ki rơhêng vâ tối cho hbrâ rơnáu ăm mơngế ki vâ cheăng tung Khu xiâm pơkuâ ngăn, cho hnoăng cheăng ki kal, ki vâ khoh châ [lêi chiâng ăm hneăng hôp kân mê.

Pôa Nguyễn Phú Trọng híăng pơkâ thế mâu ngế tung Khu hnê mơhno mơdoh chôu phut, ivá cheăng, hriăn ple\ng ăm tơdroăng cheăng ki kố. Tung pơla rak vế, pêi pro hnoăng cheăng athế pêi pro tơdrăng khât mâu tơdroăng pơkâ, hnê tơdjâ dêi Khu hnê mơhno, athế môi tuăn, tơdrăng, ối pơla dế, pêi pro tro tiô tuăn kuăn pơlê vâ, la xuân athế ai tơdroăng ki pơkí.

Nhat Lisa tơplôu [ă tơbleăng