VOV4.Sêdang - Kơxo lơ 4/6, a Tíu pêi cheăng Chin phuh, pôa Trịnh Đình Dũng, Ngế pro xiâm hnê ngăn tơnêi têa pơkuâ roh hôp ‘na Troăng pơkâ kơpong hneăng hơnăm 2021 – 2030 vâ po rơdâ pêi pro Luât pơkâ pêi. ‘Na kơpong Tây Nguyên, kal thế rak pơkâ, ôh tá chiâng pro chiâng môi [a\ kơpong pá hdroh peăng tơdế tơnêi têa. Xiâm kối cho kơpong Tây Nguyên ai mâu tơmeăm ki phá tơ-ê ‘na khôi túa le\m tro, hdroâng kuăn ngo [a\ tơdroăng rêh ối pơlê pơla kal châ tơtro\ng vâ mơnhông mơdêk [a\ kal ai troăng hơlâ krê vâ pêi pro tơtro.

Pôa Trịnh Đình Dũng, Ngế pro xiâm pho\ hnê ngăn tơnêi têa xông tơpui a roh hôp

Ing tơmâng rơkong tơpui hnê tối dêi mâu ngế rơkê, ngế cheăng khoa hok, mâu kăn, Ngế pro xiâm pho\ hnê ngăn tơnêi têa tối nhên, pơkâ kơpong ai pơxúa phá tơ-ê ki kal tung pơkâ tơnêi têa, cho pơkâ pêi hên kơvâ cheăng, vâ pơkâ troăng mơnhông tu\m têk, tơdâng dêi lâp kơpong.

Tiô Ngế pro xiâm hnê ngăn tơnêi têa, pơkâ kơpong thế tơmiât troh tơdroăng ki tơdâng ‘na tơnêi tíu, kong kế, cheăng kâ – rêh ối pơlê pơla, mơhno túa le\m tro, hdroâng kuăn ngo, mơnhông mơdêk tơmeăm ki ai hlâu dêi kơpong, mâu kong pơlê vâ mơnhông mơdêk cheăng kâ – rêh ối pơlê pơla.

Ngế pro xiâm hnê ngăn tơnêi têa pơkâ Khu xiâm pơkuâ túa cheăng [a\ Mơ’no liăn cheăng tơmâng xo tâi tâng mâu rơkong pâ thế a roh hôp vâ kêi đeăng Tơbleăng tơbleăng Chin phuh pơkâ ‘na troăng pơkâ kơpong tung khế 6 kố.

            A Sa Ly tơplôu [a\ tơbleăng