Tâi tâng mâu hdroâng kuăn ngo a Tây Nguyên pơrá ai khôi túa, vêa vong krê xêh, la xuân ối ai hên túa, hên tơdroăng, hên vêa mâu luât pơlê ki vâ môi tiah dêi pó. Maluâ ti mê, ki xiâm ga, xuân cho tơdroăng ki kơnía git dêi rêm hdroâng kuăn ngo [ă tuăn tơmiât ki tơtro [ă khôi túa, vêa vong [ă pêi pro tro tơdroăng, pêi pro mâu ki tơtro [ă khôi túa, vêa vong dêi pơlê pơla, ga xuân ai túa ki phá krê xêh há. ‘Na mâu khôi túa, vêa vong rak vế hên lơ iâ, ton lơ môi nâ mê ngăn kơ rêm túa dêi hdroâng kuăn ngo.

Khôi luât pơlê pơla dêi mâu hdroâng kuăn ngo a Tây Nguyên ga ai môi tíu ki tơdjuôm dêi pó la rêm pơlê pơla pơrá rak vế, chôu ‘măn [ă pêi pro mơhno tơbleăng tâi tâng a ngiâ pơlê, vâ ing mê, tơdroăng ki lâi tro ki lâi xôi vâ kơ rêm ngế châ ‘nâi, vâ hnê tối, vâ pơxâu phak tiô luât pơlê. Mâu ngế ki hmâ tơleăng, pro mơnhên tiô luât pơlê mê cho mâu ngế ki châ kuăn pơlê loi nhoa\m, loi tơngah khât, hlê ple\ng nhên mâu khôi túa, vêa vong dêi hdroâng kuăn ngo tung pơlê, mâu ngế ki lo tơleăng, pro pơle\m mê ki hmâ hlo cho vâi krâ. Pak^ng tơdroăng ki rak vế tiô luât pơlê vâ tơleăng, mơngế tơleăng ối athế rơkê tơpui, hlê tơdroăng ki le\m tro, tơdroăng ki ai xôi, chiâng vâ tơleăng, vâ pơxâu phak tro tiô khôi túa pơlê. Klêi kơ’nâi châ krâ pơlê tơleăng, tâng châ vâi krâ-nho\ng o tung pơlê veăng vâ môi tuăn, pơrá loi nhoa\m rơkong tơpui dêi krâ pơlê mê tơkéa rơkong krâ pơlê mê xêt khât. Klêi kơ’nâi ai tơdroăng tơleăng, rêm tơdroăng tăm nâ, tơhôu tơhêng, eh iăng dêi pó xuân athế châ tơleăng tah tâi tâng, [ă mâu ngế ki ai xôi xuân ôh tá tro pơlê ngăn ga cho mơngế xôi xếo, xua ga hiăng ‘nâi s^ng hmréa dêi tơdroăng, pá ai pro xếo tơdroăng xôi.

Môi hâi ki pơxâu phak tiô khoi túa a tơring K[ang, Gia Lai

Khôi luât pơlê pơla dêi mâu hdroâng kuăn ngo a Tây Nguyên xuân đi đo kal khât tung tơdroăng ki rơkâu xối xeăng. Xua [ă tuăn loi ai khu xeăng, sap ing chal vâi krâ nah hiăng hmâ kơnôm, tơngah ing tơdroăng veăng rak ngăn, djâ troăng dêi khu xeăng, ngăn mê cho ki xiâm vâ kum ăm tơdroăng rêh ối kuăn mơngế đi đo ai tơdroăng tơniăn le\m, hơniâp ro. Ngế ki tơleăng mê, ngăn dêi tơná cho đi đo ai xeăng séa ngăn, xua mê, ga athế rơnêu pât dêi hiâm mơno pro ti lâi tuăn tơmiât tơtro, rơkong tơpui xuân tơdrăng tơpâ, tơleăng tơdroăng xôi vâi pơlê ‘ló tơdroăng. Mâu ngế tung pơlê, tá ngế ki săm tối lơ ngế ki tro săm ai xôi xuân loi tơngah tơdroăng ki tơleăng dêi pơlê pơla, dêi krâ pơlê cho rơkong tơleăng dêi khu xeăng, xua mê athế rak vế, pêi pro tro tiô krâ pơlê tối hnê. Ngế ki hiăng ai xôi klêi kơ’nâi châ krâ pơlê tơleăng la lâi ga xuân athế s^ng hmréa [ă mơnhên tối dêi tơná hiăng ai xôi [ă khu xeăng mê kal athế ‘mâi rơnêu dêi rơkong tơpui, tơdroăng pêi pro, [ă sap ing hâi ki mê preăng hlo vâi pơtối vâ pro xôi nếo.

 Nôkố, tơdroăng rêh ối dêi mâu pơlê pơla hdroâng kuăn ngo a Tây Nguyên hiăng ai hên tơdroăng ki hơ’leh [ă châ hlê ple\ng tơdroăng ki rơkê tơtro, ai luât xiâm tơnêi têa vâ ‘mâi rơnêu mâu tơdroăng tơpui tơno, pêi pro. {ă tơdroăng ki hbeăng ngăn ‘na mơhno túa le\m tro mê, pin kal athế rak vế tơmeăm khoăng, tơdroăng ki kơnía git dêi mâu pơlê pơla dêi mâu khu hdroâng Tây Nguyên [ă hên túa pêi pro, môi tiah tí tăng chêh xo, thâo hrik, xup um mâu khôi túa, vêa vong dêi mâu hdroâng kuăn ngo, mơhnhôk hriăn ple\ng trâu rơdâ vâ kum ăm mâu kơvâ cheăng hriăn ple\ng kuăn ngo, hriăn ple\ng ‘na luât, hriăn ple\ng ‘na mơhno túa le\m tro.

Hlá tơbeăng Gia Lai

Nhat Lisa tơplôu [ă tơbleăng