VOV4.Sêdang - Hâi lơ 16/6, ing tíu mơ’no tơbleăng a Hngêi Kuô̆k hô̆i, Khu kăn Kuô̆k hô̆i Việt Nam xua pôa Vũ Hải, Ngế cheăng tung Tiú xiâm Đảng, Ngế cheăng tung Vi ƀan pơkuâ Kuô̆k hô̆i, Kăn hnê ngăn Vi ƀan Tơpui kâ pro ngế xiâm pơkuâ djâ khu Kăn veăng hôp kân Khu hnê tối Hneăng hôp tơrŭm cheăng Kuô̆k hô̆i dêi mâu kong têa Đông Nam Á rôh má 12 (AIPA Caucus 12) tơkŭm po tiô tơdroăng mơ’no tơdrêng tung um tơvi.

Khu kăn Kuô̆k hô̆i Việt Nam rơtế ƀă mâu kong têa tung khu hiăng tơpui tơno tơdroăng mê, hnê tối hên tơdroăng cheăng ƀă mâu kăn Kuô̆k hô̆i tung khu AIPA, malối tung pơla tung kơpong, lâp plâi tơnêi dế trâm hên xơpá tung hbrâ mơdât pơreăng COVID-19 ƀă ‘mâi mơnhông cheăng kâ, mơjiâng mâu tơdroăng tơrŭm pơla mâu kăn Kuô̆k hô̆i dêi mâu kong têa tung Khu ASEAN, vâ mơhno hiâm tuăn ki hbrâ, vâ tơrŭm cheăng xua ‘mâi mơnhông vâ tơ-ƀrê cheăng kâ, mơnhông  mơdêk cheăng kâ krá lĕm, pêi mâu pơkâ mơnhông mơdêk krá tơniăn ton drêng hiăng kâi mơdât pơreăng COVID-19, xua vâ tơniăn hơniâp dêi mâu kong têa tung ASEAN, xua vâ pro pơxúa dêi kuăn pơlê ASEAN.

Mơgêi hneăng hôp, mâu kăn hiăng tơbleăng hneăng hôp Khu hnê tối Hneăng hôp kân Khu tơrŭm mâu kăn Kuô̆k hô̆i dêi mâu kong têa Đông Nam Á roh má 12 ƀă tiô hâi khế tơkŭm po hneăng hôp dêi mâu kong têa Đông Nam Á roh má 13 kô po a kong têa Siam.

Gương tơplôu ƀă tơbleăng