VOV4.Sêdang - VOV4.Sêdang - Kơxê lơ 5/7, Khu kăn xiâm ngăn pơkeăng pơlât xua pôa Đỗ Xuân Tuyên, Ngế xiâm phŏ pơkuâ djâ khu kăn lăm pêi cheăng tí tăng ngăn ‘na hbrâ mơdât pơreăng COVID-19 a kong pơlê Phú Yên. Khu xiâm ngăn pơkeăng pơlât hiăng séa ngăn tơdroăng hbrâ mơdât pơreăng COVID-19 a mâu kơpong klâ krê tơchoâm a bêng Phú Đông, pơlê kong kơdrâm Tuy Hòa; séa ngăn tơdroăng xo pơlât mâu ngế ki tâ COVID-19 a hngêi pơkeăng lêng pơlê kong krâm Đông Hòa; Séa ngăn tơdroăng cheăng hró kơpong, klâ krê a bêng 1, pơlê kong kơdrâm Tuy Hòa.

Klêi tí tăng ngăn, pôa Đỗ Xuân Tuyên tối, kong pơlê Phú Yên hiăng tơbleăng tŭm mâu pơkâ ‘na hbrâ mơdât pơreăng COVID-19. Pôa Đỗ Xuân Tuyên tối pơchân, kong pơlê Phú Yên ƀă mâu kăn râ kong pơlê, tơring, cheăm pôi tá tơngôu, thế tơmâng tí tăng ‘nâi plĕng vâ rĕng châ ‘nâi pơreăng nôkố; thế hbrâ mơdât pơreăng tro tiô pơkâ pêi “4 tíu amê”.

Gương tơplôu ƀă tơbleăng