VOV4.Sêdang - Tung khế 6 kố, 3 to hngêi rak liăn mê cho SeaBank, MSB ƀă SHB tơhrâ ăm Khu tơ-ƀai Việt Nam (Vietnam Airlines) mung ƀă tâi tâng kơxô̆ liăn 4.000 rơtal liăn. Tiô tối tơbleăng dêi Khu xiâm pơkâ ƀă ‘no liăn cheăng, pơreăng COVID-19 pro kơvâ cheăng kô trâm pá ó khât, mâu khu tơ-ƀai dế vâ tâi liăn ngân, thăm nếo Khu tơ-ƀai dêi tơnêi têa Việt Nam dế trâm pá rế ôh tá ai ivá pêi cheăng hiăng vâ lŭp.

Vietnam Airlines hiăng lŭp lối 4.800 rơtal liăn tung pái khế apoăng hơnăm ƀă tiô tối hdrối kơxô̆ ki lŭp mê tung 6 khế hơnăm kố tâk troh 10 rơpâu rơtal liăn. Nôkố, Khu ngăn ‘na tơ-ƀai mê dế ai kơxô̆ liăn chĕn hiăng luâ hâi pơkâ troh 6 rơpâu 240 rơtal liăn ƀă dế trâm tơdroăng xơpá khât.

Nôkố, Vietnam Airlines dế rơtế ƀă 3 khu tơrŭm ăm mung liăn hôp tơpui tơno ‘na tơdroăng kĭ tơhrâ mung liăn, tâng ôh tá ai tơdroăng klâi pơ’lêh, mê tung khế 6 lơ apoăng khế 7 kố ah, mâu hngêi rak liăn kô ăm Vietnam Airlines mung 4.000 rơtal liăn.

Gương tơplôu ƀă tơbleăng