VOV4.Sêdang - Vâ rĕng teăm mơhnhôk mơngế pêi cheăng hbrâ mơdât pơreăng, tung hâi lơ 17 ƀă 18/6, Khu tơrŭm ngăn ‘na pêi cheăng Dak Lak troh lăm pôu ƀă diâp kơxuô tơmeăm ăm mâu tíu pêi cheăng hbrâ mơdât pơreăng COVID 19 tung kong pơlê.

Diâp kơxô̆ liăn a hngêi pơkeăng pơlât kơ-o lo mơheăm ƀă êi xôu

A mâu tíu troh lăm pôu, Khu râ kăn hiăng kơ-êng, mơhnhôk hiâm mơno, hơlêm mâu tơdroăng pá puât, tơvâ tơvân ki kăn ƀô̆, mâu lêng, ƀok thái pơkeăng, mâu ngế pêi cheăng tung hngêi pơkeăng dế trâm tung pêi pro hnoăng cheăng a hngêi pơkeăng, mâu tíu gâk mơdât pơreăng, mâu kơpong klâ kơtăn.

Khu râ kăn xuân mơnhên ƀă mơnê mâu tơdroăng veăng kum, pleăng dêi hnoăng cheăng ki kăn ƀô̆, mâu lêng, ƀok thái pơkeăng mâu tíu cheăng hiăng ƀă dế pêi pêi pro, kum rơtế ƀă kong pơlê pêi pro châ tơƀrê tơdroăng hbrâ mơdât pơreăng. Klăng roh kố, Khu râ kăn hiăng diâp rêm tíu cheăng ai 5 rơtuh liăn.

A Sa Ly tơplôu ƀă tơbleăng