VOV4.Sêdang - Teăng mâ Khu xiâm kal kí, pôa Nguyễn Phú Trọng, Kăn xiâm pơkuâ hnê ngăn Đảng hiăng kĭ pơkâ tơdroăng 02 dêi Khu xiâm kal kí ‘na pơ’lêh nếo tơpŭm po ƀă pêi cheăng dêi Kŏng đoân Việt Nam tung tơdroăng cheăng nếo nôkố. Tơdroăng pơkâ pêi tâi tâng cho mơjiâng Kŏng đoân Việt Nam krá rơdêi tŭm tơdroăng, ai ivá rơdêi kâi pêi ƀă kâi tơleăng mơnhên mâu tơdroăng pơkâ, pêi pro tro hnoăng cheăng, tơdroăng cheăng pêi tung tơdroăng cheăng nếo nôkố; cho xiâm tơdroăng kal kí - rêh ối pơlê pơla krá kâk dêi Đảng - Tơnêi têa, pêi  tro hnoăng cheăng cho tíu xiâm ki vâ tơrŭm, pơtối tơpui tơno krá khât pơla Đảng, Tơnei têa ƀă yai kâp kŏng nhân, mơngế pêi cheăng; tơxâng cho khu ki teăng mâ kân má môi, tơkŭm, tơrŭm môi tuăn dêi yai câp kŏng nhân ƀă mơngế pêi cheăng tung lâp tơnêi têa, veăng mơjiâng yai câp kŏng nhân  Việt Nam túa nếo rơkê, rơdêi, cho mâu ki djâ troăng ahdrối pêi hnoăng cheăng mơnhông mơdêk rĕng ƀă krá tơniăn tơnêi têa.

Tơdroăng mê ai pơkâ nhên troh hơnăm 2025: Mơ-eăm khŏm ai 13,5 rơtuh ngế đoân viên kŏng đoân, tâi tâng khu mơdró ai 25 ngế kŏng nhân, mâu ngế pêi cheăng tơngi klêng ai khu tơrŭm cheăng kŏng đoân; troh hơnăm 2023 mơ-eăm ai 12 rơtuh ngế đoân viên. Troh hơnăm 2030: ai 16,5 rơtuh ngế đoân viên kŏng đoân... Mơ-eăm ai 85% ngế tơngi klêng mâu khu mơdró, tíu pêi cheăng ai khu tơrŭm kŏng đoân kĭ tơhrâ pêi cheăng pú hên. Troh hơnăm 2045: Tâi tâng mơngế pêi cheăng a mâu tíu cho đoân viên Kŏng đoân Việt Nam; 99% khu mơdró, tíu pêi cheăng ai khu tơrŭm cheăng  kĭ tơhrâ vâ pêi cheăng pú hên.

Gương tơplôu ƀă tơbleăng