VOV4.Sêdang - Khu xiâm kring vế tơniăn tung măng internet, plâ mơdât mâu ki ai xôi xúa kŏng ngê̆ ki rơkê nếo nôkố, Khu xiâm kŏng an ăm ‘nâi, tíu pêi cheăng nếo pơkuâ, tơrŭm ƀă Kŏng an pơlê kong kân Hà Nội ‘nhiê troăng khu hmâ xah ƀai kâ liăn ki hên tung pơlê kong xiâm ing trang web bong88.com. bú  riân sap apoăng hơnăm 2020 troh nôkố kơxô̆ liăn xah ƀai tâk troh 1 rơpâu  500 rơtal liăn.

Khu xiâm kring vế tơniăn tung măng internet ƀă ƀơrô plâ mơdât mâu ki ai xôi xúa kơmăi ki lĕm nếo nôkố hiăng tơrŭm ƀă Kŏng an pơlê kong kân Hà Nội ăm hrĭng ngế kăn ƀô̆, mâu lêng lăm tí tăng ngăn tơbleăng 18 tôh pêi cheăng lăm séa ngăn tơdrêng a 18 tíu ki ai tơdjâk troh; krếo tơkŭm, pêi cheăng ƀă 17 ngế.

Klêi tơplâ, rôh apoăng mâu ngế ki mê hiăng tối tơdroăng xôi tơná xah ƀai ƀă xah ƀai tung trang web bong88.com (cho trang web xah ƀai kâ liăn mơ’no tơdrêng ai kơmăi tính ki xiâm hiăng krâ ‘măn a kong têa Mih). Klêi tí tăng po ngăn tung kơmăi, tơdroăng ton nah ki vâi kok mơhno ki kok tơ’noăng ivá, kok liăn ngăn kơtú ƀa long, kơ koan séa ngăn rôh apoăng mơnhên tâi tâng kơxô̆ điêm vâ nâp liăn, kok liăn ing troăng khu kố tơ’mô 1 rơpâu 500 rơtal liăn.

Gương tơplôu ƀă tơbleăng