VOV4.Sêdang - Pêi pro tiô rơkong krếo thế dêi Vi ƀan xiâm Măt trâ̆n tơnêi têa Việt Nam ƀă Chin phuh, Kŏng đoân Khu xiâm mơjiâng tơmeăm khoăng hiăng mơhnhôk veăng tơlo liăn châ 1 rơtal vâ veăng tơ’nôm a liăn hbrâ mơdât pơreăng COVID-19. Kố cho hnoăng veăng tơlo ai pơxúa dêi mâu kăn ƀô̆, mâu ngế pêi cheăng, mâu ngế pêi cheăng dêi Khu xiâm mơjiâng tơmeăm khoăng, ƀă tơdroăng “Hbrâ mơdât pơreăng môi tiah plâ xâ”, tơdroăng hbrâ pêi pro dêi hdroâng kuăn ngo “tŏng kum dêi rơpó”, môi tuăn dêi rơpó tung pơlê.

Khu xiâm mơjiâng tơmeăm khoăng veăng tơlo 1 rơtal liăn a liăn rôe vaccine hbrâ mơdât COVID-19

Tơdah xo veăng tơlo liăn rôe vaccine hbrâ mơdât COVID-19 dêi mâu kăn ƀô̆ mâu ngế pêi cheăng kơvâ mơjiâng tơmeăm khoăng, pôa Đỗ Văn Chiến, Kăn hnê ngăn Đảng, Kăn hnê ngăn Vi ƀan xiâm Măt trâ̆n tơnêi têa Việt Nam nhoăm mơnê hnoăng veăng ‘no dêi mâu ngế ki pêi cheăng hiăng veăng tơlo liăn; hlối tơhrâ kô veăng xúa kơxô̆ liăn tro tơdroăng, tơ-ƀrê, malối xúa tung pâk vaccine mơdât pơreăng ăm mâu ki pêi cheăng, mâu ngế kơtiê, mâu ngế ki ôh tá rơhéa tung rêh ối pơlê pơla, a kơpong hngế hngo. 

Gương tơplôu ƀă tơbleăng