VOV4.Sêdang - Khu kăn pêi dêi hnoăng cheăng dêi Khu xiâm ngăn cheăng kơmăi kơmok [ă tê mơdró ai rôh pêi cheăng [ă kong pơlê Kon Tum pơkâ thế kong pơlê Kon Tum ‘na hnoăng cheăng hbrâ ví khía mơhot têa kân lân lu [ă tí tăng to\ng xo mâu ngế hliăng tiâ.

Khu kăn kố pơkâ thế kong pơlê Kon Tum pơtối tơmâng ngăn hnoăng cheăng tối tơbleăng, mơdêk tối tơbleăng ăm kuăn pơlê, mơhnhôk mâu ngế cheăng pơkâ tơleăng, ‘mâi mơnhông mâu tíu ki trâm khía mơhot têa kân lân lu, hbrâ tơru\m tâ nếo [ă mâu khu ki pơkuâ rơchoâ, long têa [ă hngêi kơmăi on tơhrik.

Hdrối mê, khu kăn kố hiăng lăm séa ngăn a tíu ki rơheăng xua tơhnâp tơnêi [ă hnoăng cheăng ‘mâi mơnhông kong mê khía mơhot têa kân lân lu a cheăm Tu Mrong [ă cheăm Tê Xăng, tơring Tu Mrong, séa ngăn hnoăng cheăng hbrâ ví khía mơhot têa kân lân lu a hngêi kơmăi on tơhrik Plei Krông, tơring Sa Thầy [ă lăm ngăn kơno plong Kon Gung a cheăm Đăk Mar, tơring Đăk Hà.

Katarina Nga tơplôu [ă tơbleăng