VOV4.Sêdang – Kơxo lơ 17/6, Khu xiâm ngăn ‘na mơhno túa le\m tro tơ’noăng ivá ôm hyô tơku\m po ‘’Tơdroăng trâm mâ drêng troh leh tơbâ 95 hơnăm hâi chêh hlá tơbeăng kăch măng Việt Nam hơnăm 2020’’ a Tíu mơđah tơbleăng um tơmeăm Hồ Chí Minh, Hà Nội.

Kố cho rôh vâ khe\n kơdeăn mâu tíu pêi cheăng chêh hlá tơbeăng, khu pú hên, mâu ngế ki ai hên hnoăng tung chêh hlá tơbeăng ‘na mơhno túa le\m tro - tơ’noăng ivá-ôm hyô. Troh veăng leh, ai pôa Lê Khánh Hải, Ngế xiâm pho\ ngăn ‘na mơhno túa le\m tro, Tơ’noăng ivá [ă Ôm hyô teăng mâ mâu kăn rêm kơ koan chêh hlá tơbeăng, mâu ngế chêh hlá tơbeăng, mâu ngế cheăng rah chêh dêi vâ chê 100 to kơ koan chêh hlá tơbeăng xiâm tơnêi têa [ă kong pơlê.

A rôh trâm mâ, 5 tíu chêh hlá tơbleăng [ă 15 ngế cheăng chêh hlá tơbeăng ki kơhnâ rơkê hiăng châ xo [âng kơdeăn khe\n dêi khu xiâm ngăn mơhno túa le\m tro, Tơ’noăng ivá [ă ôm hyô. Hên ngế chêh hlá tơbeăng hiăng [ă dế ôh tá la lâi pơtê mơ-eăm vâ veăng ‘no hnoăng tơná mơnhông rêm kơ koan chêh hlá tơbeăng, tíu pêi cheăng, xuân môi tiah tíu chêh hlá tơbeăng kăch măng tối tơchoâm, ai tiu hnoăng cheăng púi vâ dêi tung mâu hơnăm la ngiâ.

Gương tơplôu [ă tơbleăng