Sap ing khế 6 troh nôkố, hiăng ai 72 ngế ki tro tâ pơreăng êi rơtốu krôk, a 10 thôn pơlê ối tung 4 kong pơlê kơpong Tây Nguyên. 3 ngế hiăng hlâ. Ki hên, mâu ngế ki tro êi rơtốu krôk mê ai sap ing 3 troh 60 hơnăm. 28 ngế hlâ ki rơngê, kơ-o, mâu ngế ki tro dương tính la ôh tá tơngê, kơ-o ai vâ chê tơdế. Tơdroăng kố ăm hlo, pơreăng châi êi krôk dế tâ tú ó khât a Tây Nguyên. Mơnhên tối ‘na tơdroăng pơreăng kố, Tie#n sih Đặng Quang Tân, Kăn xiâm ngăn ‘na pơkeăng [ă khăm pơlât tối ăm ‘nâi:

‘’Ki păng ‘nâng mâu pơlê cheăm ki ai pơreăng pơrá cho a pơlê cheăm ki ối a kơpong hơngế hơngo, kơpong kong pơlê hdroâng kuăn ngo ki iâ mơngế. Drêng ngin lăm troh a pơlê cheăm, troăng prôk pá puât. Mâu pơlê cheăm mê ôh tá ai rơxế vâ prôk lăm. Drêng kăn [o# troh a hngêi vâi krâ-nho\ng o hmâ ôh tá ối a hngêi, pá ăm tơdroăng ki vâ pâk pơkeăng. Pak^ng mê, tơdroăng ki mâu pơlê tơku\m tơpui tơno a mâu hngêi ki achê, xuân cho roh ki tơ’lêi ai pơreăng châi êi rơtốu krôk châ tâ tú tung pơlê pơla’’.

Tung mâu kong pơlê a kơpong Tây Nguyên, Dak Nông cho ai mâu ngế ki tro tâ pơreăng êi rơtốu krôk hên má môi, hiăng ai 28 ngế, pơtối mê cho Kon Tum, ai 24 ngế. Vâ mơdât pơreăng êi rơtốu krôk châ tâ tú a mâu kong pơlê Tây Nguyên, Khu xiâm ngăn ‘na pơkeăng [ă khăm pơlât hiăng pơkâ pêi pro hên troăng hơlâ, môi tiah ăm ối kơtăn hơngế [ă tíu ki ai mơngế tro tâ tú, tí tăng ‘nâi vâ re\ng teăm hbrâ pơlât mơdât pơreăng a mơngế ki châi tamo, ăm vâi ki mê ôu pơkeăng kháng sinh, pâk pơkeăng hbrâ mơdât pơreăng ăm lối 10 rơpâu ngế kuăn pơlê a mâu thôn pơlê ki ai pơreăng êi rơtốu krôk.

Krê a kong pơlê Gia Lai, tâi tâng kơxo# mơngế ki tro tâ tú pơreăng mê ai 17 ngế, iâ tâ Dak Nông [ă Kon Tum la châ tối cho rơ-iô ó khât, xua hiăng ai 1 ngế hlâ, 1 ngế châi tamo râ kal athế châ khăm pơlât.

Vâ hbrâ mơdât pơreăng êi rơtốu krôk, hnoăng cheăng ki hbhrâ mơdât pơreăng a kong pơlê Gia Lai hiăng châ pêi pro kơhnâ khât, môi tiah: ăm ối kơtăn hơngế, xôh pơkeăng kơdê pơreăng [ă mâu tơdroăng cheăng ki ê vâ mơdât tơdroăng ki tâ tú dêi pơreăng. A tíu tâ tú pơreăng mê, pơlê Bông Hiot, cheăm Hải Yang, tơring Đăk Đoa, mê Khu kăn pơkuâ ngăn cheăm Hải Yang hiăng mơjiâng khu ki mơhno\ng pleăng tơdroăng cheăng troh vâ veăng kum ăm kuăn pơlê Bông Hiot, môi tiah hnê tối, mơhnhôk hbrâ mơdât pơreăng tiô tơdroăng hnê tối; veăng kum tơdrêng ăm mâu kuăn pơlê drêng kal vâ khăm pơlât. Tiô pôa Mai Xuân Hải, Kăn pơkuâ ngăn ‘na pơkeăng dêi kong pơlê Gia Lai tối, kơvâ ngăn pơkeăng hiăng hbrâ tu\m mâu tơdroăng ki vâ mơdât pơreăng.

‘’Kơvâ ngăn ‘na pơkeăng hiăng hbrâ tu\m têk mâu pơkeăng, trếo pơkeăng vâ tơplâ mơdât pơreăng. Dế nôkố, ngin dế pơtối tí tăng séa mơnhên ngăn, teăm vâ ăm kuăn pơlê ối klâ krê, kơtăn ối hơngế [ă mâu ngế tro nhôm tâ pơreăng, kô khăm pơlât krâu khât mâu ngế ki tro tâ, kơdroh tơdroăng tâ tú [ă ai mơngế hlâ hía’’.

Pơkuâ ngăn a chôu pêi cheăng dêi Yăo sư-Tie#n sih Nguyễn Thanh Long, Teăng mâ Khu xiâm ngăn ‘na pơkeăng [ă khăm pơlât mơnhên tối: Ki pơkâ dêi khu xiâm ngăn ‘na pơkeăng [ă khăm pơlât mê cho kal athế re\ng pơlât, pơlât athế tơniăn má môi, klêi mê, kal athế pơkâ pêi pro tơtro [ă mâu hơnăm pơtối. Maluâ ai mâu tơdroăng ki ối pá puât, la a mâu kong pơlê Tây Nguyên kô tơngah châ re\ng pơlât prêi ‘na pơreăng kố. Mâu kong pơlê xuân hiăng ăm klâ ối krê, tí tăng ‘nâi nhên tơdroăng ki ai tơdjâk dêi pơreăng, malối [ă túa cheăng pâk xo mơheăm vâ mơnúa ngăn i nhên khât. Dak Nông, tíu ki tâ pơreăng hên ó má môi, hiăng chiâng vâ xo mơheăm séa mơnhên ngăn; mâu kong pơlê ki ê xuân athế pơtroh mơheăm troh a Viện vệ sinh Dịch tễ Tây Nguyên. Khu xiâm ngăn ‘na pơkeăng hiăng hbrâ 500 rơpâu klo\ng vaccine êi rơtốu krôk a Tây Nguyên vâ kơdê pơreăng.

Đình Tuấn chêh

Nhat Lisa tơplôu [ă tơbleăng