VOV4.Sêdang - Khu xiâm pơkuâ hnê hriâm ƀă Hnê mơjiâng tuăn ngôa rơkê nếo ai mơ-éa pơtroh Kăn hnê ngăn Vi ƀan mâu kong pơlê, pơlê kong kơdrâm ‘na tơdroăng tơkŭm po Hneăng tơ’noăng mơgêi râ má pái phôh thong hơnăm 2021 tung pơla ai pơreăng xông tâ tú. Ki nhên, roh 1 dêi Hneăng tơ’noăng mơgêi râ má pái phôh thong hơnăm 2021 châ tơkŭm po a mâu hâi lơ 7 ƀă 8/7. Khu xiâm pơkuâ hnê hriâm ƀă Hnê mơjiâng tuăn ngôa rơkê kô tơkŭm po roh tơ’noăng má 2 ăm mâu hok tro tro tơdjâk xua pơreăng COVID 19, ai mâu hok tro ối tung khu F0, F1, F2 tiô hdró dêi kơvâ khăm pơlât, hok tro rêh ối tung kơpong dế mơdât ôh tá ăm lo pakong, pêi pro klâ kơtăn pơlê pơla tiô Pơkâ dêi Ngế pro xiâm hnê ngăn tơnêi têa vâ pêi pro troăng hbrâ mơdât pơreăng COVID 19.

‘Na hâi tơ’noăng, Khu xiâm kô pơkâ hâi khế nhên tơkŭm po tiô pơkâ ing mâu kong pơlê. Khu xiâm xuân pơkuâ mâu kong pơlê séa ngăn, rĕng ‘nâi tơdroăng hok tro tro tơdjâk xua COVID 19 ôh tá châ veăng tơ’noăng tung roh 1, pơtroh a Khu xiâm hdrối hâi lơ 5/7.

A Sa Ly tơplôu [ă tơbleăng