VOV4.Sêdang - A roh hôp tâi tâng Vi ƀan cheăng kâ dêi Kuô̆k hô̆i hâi lơ 24/6, pôa Hồ Đức Phớc, Ngế xiâm râng liăn ngân tối nhên, pơla kố nah Vi ƀan pơkuâ Kuô̆k hô̆i hiăng môi tuăn xing xoăng 14 rơpâu rơtal liăn ing liăn ngân tơnêi têa, rơtế ƀă kơxô̆ liăn rôe vaccine hbrâ mơdât COVID 19 dâng 8 rơpâu rơtal liăn, tâi tâng ai 22 rơpâu rơtal liăn, vâ chê tŭm rôe vaccine hbrâ mơdât COVID 19 ăm 75 rơtuh pơ’leăng mâ kuăn pơlê, rêm ngế 2 klo\ng.

Mơ’nui khế 5, Vi ƀan pơkuâ Kuô̆k hô̆i pơkâ xúa 12.100 rơtal liăn kơxô̆ liăn kơdĭng mơ’no hrê hơnăm 2020 vâ rôe vaccine hbrâ mơdât COVID 19. Ƀă tiô tối hdrối rôe 150 rơtuh klŏng pơkeăng vaccine ăm dâng 75 rơtuh ngế, Khu xiâm pơkuâ liăn ngân tiô tối hdrối kal dâng 25.200 rơtal liăn.

A Sa Ly tơplôu [ă tơbleăng