Dâng 9 chôu kơxo má, hngêi xo\n dêi nôu Nen, hdroâng kuăn ngo Rơđế a [uôn Chăm, pơlê kân {uôn Trăp, tơring Krông Ana, kong pơlê Dak Lak sôk ro păng ‘nâng, drêng tơdah nho\ng o ôm hyô vâ chê 30 ngế, ki hên cho tơmối hơnăm ối nếo. {a\ tơdroăng mơhno tối dêi nôu Nen, tơmối hâk vâ ti tăng ‘nâi ple\ng khôi túa le\m tro dêi hdroâng Rơđế, môi tiah tơdroăng mơjiâng pro hngêi ối, rơnuâ leăn tơdah tơmối a peăng ngiâ troh hngêi pế pơchên hmê kơchâi pá ro\ng.

Tung hơpiâp on, rêm ngế pơrá pơchên rêm kế kâ

Mâu vâi kơnốu rơtế dêi pó kât drôu xiâm, hriâm to\n chêng tơgôu koăng, kơdrâi mê hbrâ tơnáu mâu kơchâi kâ. Sôk ro môi tiah mâu tơmối  hơnăm ối nếo, nôu Nen rế pế pơchên rế tơbleăng ăm tơmối ‘na kơchâi kâ ki hmâ dêi rơpo\ng: Kơchâi hrốu kong, kơchâi klêa xăng ro, truâ kơxuô tung hlá, í pôh, tro\ng xăng, goih kló priât ối kơbâng [a\ ki ê hía.

‘’Hrối mê thế lăm xo hdrối xua tung pơlê kố ôh tá ai, thế lăm tung kong lăm tăng mê ai hrốu kong, hlá kơchâi pôm loăng mê kiê a chêk lơ tung kơdrum xuân ai môi iâ, [a\ klêa xăng ro mê lăm rôe xuân ai, klêi mê rôe truâ, klêi mê, rơvât po [ôt ngot kơchâi xú ho\m, klêi mê kơxuô tung hlá kâm a on’’.

Tơmối xâp mơnúa ếo hdroâng kuăn ngo hnối xup um [ă kăn rơpo\ng hngêi

Châ pế xêh mâu kơchâi kâ tiô hnê mơhno dêi mơngế ki pế, nâ Nguyễn Thị Thu Hiền, sinh viên hngêi trung Đăi hok Tây Nguyên tối sôk ro khât. Tiô ngăn tơdroăng hnê mơhno dêi ngế ki pơkuâ xuân cho ngế ki pế pơchên xiâm, nâ Hiền hlo, mâu kơchâi kâ dêi mơngế Rơđế vâi pế rơvât hên kơchâi ki phá tơ-ê, xua mê drêng kâ tâ rơpâ, mâu kơchâi chên le\m kâ tâ kơhiâm, xú ho\m ki phá tơ-ê [a\ kơhiâm ki phá tơ-ê há. {a\ ki re\ng hlo a kơchâi kâ dêi mơngế Rơđế mê cho ki xăng, ki hăng gá cho phá tơ-ê.

‘’Mâu kơchâi kâ mê gá ôh tá pá, laga thế hbrâ tơnáu hên kơchâi, xua mâu kơchâi kâ dêi vâi krâ Rơđế cho pế tơvât hên kơchâi kong, hlá loăng kong vâ chiâng kơchâi, môi kơchâi kâ mơhno tơdroăng ki tơ-ê dêi vâi krâ, mơhno tơdroăng ru\m môi tuăn drêng mâu kơchâi drêh tơvât [a\ dêi pó. Ki á tâ drêng kâ cho ki hăng [a\ ki xăng dêi tro\ng xăng’’.

Klêi têk hmê kơchâi, tá ngế rơpo\ng tá tơmối rơtế kâ hmê hnối tơpui tơno

Kơchâi kâ nếo chên têk ‘măn ăm ngin kâ. A leăn tơdah tơmối dêi hngêi xo\n, tá tơmối [a\ ngế ki pơkuâ tíu ôm hyô kố tơpui tơno, rế  tơno ‘na khôi túa le\m tro dêi hdroâng kuăn ngo tơná, rế kâ hmê [a\ dêi pó. Tơdrêng mê, tơmối ối châ mơnúa sâp mâu hmân ếo, pơtâk dêi hdroâng kuăn ngo xua mâu ngế kơdrâi tung rơpo\ng teăn xêh. Sâp truâ  hmân ếo vâi krâ hdroâng kuăn ngo, ếo ki xo\n ko\ng [a\ pơtâk ki hvâ, nâ Hoàng Thị Hạnh, cô hnê hngêi trung mâm non Hoa Sen, pơlê kân {uôn Trăp, tơring Krông Ana tối, apoăng cho ché châ teăn [a\ ko\ng xua mê hbo khât, rơnuâ a ché cho rơhí rơhó khât.

‘’Á hâk vâ ‘nâng, sâp ngăn cho le\m khât. Tâ mâu hmân ếo mê châ mâu vâi krâ ki teăn [a\ ko\ng, ché hbo le\m, krá khât. Tâng sâp rêm hâi tâng kong prâi mơtiah kố mê cho tô khât’’.

Ngoh Đào Đức Hiệp, Kăn pơkuâ kâu la\k [o# Khát Vọng Xanh Krông Ana, ngế ki pơkuâ tơku\m po roh lăm ôm hyô tối ăm ‘nâi, mâu roh lăm hên môi tiah kố châ kâu la\k [o# mơjiâng tơmiât pêi pro sap hơnăm 2015.

Ing tơdroăng ki ai nôkố a mâu pơlê dêi mơngế Rơđế nôkố drêng khôi túa pơlê pơla dế chôa ‘lâng hía lôi [a\ tơ’lêi hía long, pói tơngah ing tơdroăng tơru\m kô kum tơdroăng rêh ối le\m tro dêi pơlê, vâ kum mâu droh rơtăm ai roh châ ‘nâi ki kơnía git dêi khôi túa le\m tro pơla rêh ối tung rơxông nếo, ing mê thăm hlê ple\ng ‘na khôi túa le\m tro a kơpong tơnêi dêi tơná dế rêh ối:

‘’{a\ tơdroăng nho\ng o lăm pleăng hnoăng cheăng a pơlê, mê á tơmiât kô ai roh tơ’lêi vâ nho\ng o châ ai tơdroăng rêh ối tiô túa dêi vâi krâ nho\ng o hdroâng kuăn ngo, xua mê á tơmiât rơtế [ă nho\ng o tung kâu lak [o# tơru\m [a\ pơlê tơku\m po mâu roh ôm hyô ku\n ‘na khôi túa le\m tro, kơchâi kâ dêi mơngế Rơđế. Ing mê kô kum má môi pro tơ’lêi hlâu vâ mâu droh rơtăm châ tâ tơdroăng nôkố ‘na khôi túa le\m tro dêi vâi krâ hdroâng kuăn ngo.

Má péa nếo, tơbâ khôi túa le\m tro ki hên cho dế piu lôi dêi pơlê, xua iâ ki kơnía dêi khôi túa le\m tro châ tơku\m po, tơkôm to ai roh leh, têt. {a\ ki ê nếo cho kơchâi kâ, ‘na hmân ếo, pơtâk tiô khôi vâi krâ [a\ mâu khôi túa le\m ki ê iâ châ tơku\m po’’.

Sap apoăng hơnăm troh nôkố, kâu la\k [o# Khát Vọng Xanh Krông Ana hiăng châ tơku\m po châ 6 roh ôm hyô ki ku\n troh a mâu pơlê mơngế Rơđế a pơlê kân {uôn Trăp, cheăm Dur Kmăn [a\ cheăm Ea Bông dêi tơring Krông Ana.

Drôu xiâm cho kế ki ôh tá păng lôi [ă hdroâng mơngế Rơđế drêng ai tơmối

Ôh tá xê to mơhnhôk mâu droh rơtăm tung kâu la\k [o#, tơdroăng ‘’Tâ hlo khôi túa le\m tro ‘na kơchâi kâ dêi mơngế Rơđế’’ hiăng châ tơmối ‘nâi troh, mâu tíu cheăng dêi khu pơkuâ Đoân droh rơtăm a mâu tơring, pơlê kân ki ê tung kong pơlê Dak Lak xuân veăng há, hriâm [ối túa ki rơkê tơtro vâ pêi pro a pơlê.

Ôh tá xê to roh tơ’lêi vâ tơmối ‘nâi khôi túa le\m tro, kơchâi kâ ki kơhiâm dêi mơngế Rơđế, kố cho ối roh vâ vêh tơbâ mâu khôi túa le\m tung tơdroăng rêh ối dêi kuăn pơlê, xua nôu Nen tối, hiăng ton ‘nâng hngêi xo\n dêi jâ ai roh kơdrâm mơngế sôk ro [a\ châ tâng chuât xơtó chêng koăng môi tiah mê./.

A Sa Ly tơplôu [a\ tơbleăng