Hơdruê lông o dêi hdroâng M’nông ga ai hên tơdrá: Têt ta wêu, Yun yơ\ [ă  Tâm pât (hơdruê tiô kơ hiâm mơno pói vâ) [ă hên mâu tơdrá ki ê. La mâu rơkong hơdruê mê pơrá ai tơdroăng hnê tối, păn roăng ăm hiâm mơno vâi hdrêng [ă um méa ‘na kong kế, nhâ loăng, têa kroăng [ă mâu nâl ki tiah hmâ tung tơdroăng tơpui la tơ’lêi ple\ng, ‘nâng ‘nâi ing rơkong lông ki hơniâp ro dêi mâu vâi jâ, mâu nôu, mâu nâ lông dêi muăn, dêi kuăn, cháu tơná.

Jâ H’Plơ, cho môi ngế ki rơkê tung rơngêi ting ting dêi pơlê Sar Pa, cheăm Thuận An, tơring Dak Mil, kong pơlê Dak Nông hơ’muăn tối ‘na mâu tơdrá hơdruê lông o dêi hdroâng M’nông:

‘’Tơdroăng hơdruê lông o dêi hdroâng kuăn ngo M’nông xuân ai hên tơdrá ki pơrá phá dêi pó, tơtro tiô kơ rêm tơdrá dêi kuăn ngo a kơpong kố, rêm ngế, rêm pơlê pơrá ai tơdrá hơdruê lông o phá krê dêi pó, a tíu kố hơdruê tơdrá ki kố, rơ-rêk ki kố, la pơlê ki tá xuân ai tơdrá, rơ-rêk ki tá. A pơlê ki ‘nâ hơdruê lông o tiô tơdrá Têt ta wêu, ai tíu ki ‘nâ vâi hơdruê tiô tơdrá Yun Yơ\, tơdrá Tâm pât. Tơdrá Tâm pât lơ Yun yơ\ vâi hmâ hơdruê ki apoăng cho ư ừ oh/ư ừ oh [ă tơdrá Têt ta wêu, vâi hmâ hơdruê apoăng Têt ta wê oh ơi/Têt ta wêu ơi oh, ga ti mê, la ki xiâm ga pơrá ai hơdruê lông dêi o, lông muăn tâi tâng’’.

Tơdroăng hơdruê dêi hdroâng M’nông ối ai hên tơdrá ki pơrá phá dêi pó tiô kơ rêm kơpong pơlê cheăm. Mơngế M’nông kơvâ M’nông Preh [ă M’nông Nong, M’nông Gar mâu tơdrá hơdruê lông o xuân ai mâu túa ki krê xêh.

Ôh tá ai kơbố ối chôu vế tơdrá hơdruê lông o ga ai sap ing la lâi nah, bu ‘nâi rơkong hơdruê lông o hiăng ai tung tuăn hiâm dêi rêm ngế M’nông, ing mâu tơdroăng hơdruê ki chôa ‘lâng pro ăm vâi hdrêng tơ’lêi koi hlâk. Rơkong hơdruê đi đo rơnguâ, rơmuăn, trâu hơngế, achê dêi pó [ă hên mâu tơdroăng ki ê.

Hơdruê lông o cho xua jâ lông dêi cháu, nôu lông dêi kuăn, nâ lông dêi o, la [ă mâu vâi kơnốu mơngế M’nông drêng toh chôu, ối a hngêi pôu dêi kuăn ăm kơdrâi pế hmê pơchên kơchâi, vâi xuân pôu dêi kuăn hơdruê lông dêi kuăn pá ai phá ki klâi kơ ngế nôu lông dêi kuăn. Rơkong lông dêi mơngế pâ ga ro ‘nâng, hnê ăm dêi kuăn ‘ne\ng ‘na kong kế kân rơdâ, pâ hơ’muăn ăm kuăn tơmâng mâu túa ki lăm pro kơnó, xế ká kum pro ăm hiâm mơno mâu vâi kuăn ‘ne\ng châ hlê ple\ng, ai tơdroăng ki veăng rak ngăn dêi ngế pâ.

Hơdruê lông mê chiâng vâ hơdruê a tơrêm tíu, a chiâk, a têa kroăng, ro\ng pôu dêi kuăn drêng dế pêi cheăng xua mê preăng ai prôa vâ rêi ăm i tơtro, la tung pơla toh chôu, dế ối pơtê, mơngoi dêi kuăn koi a hơpăm, ko\ng nôu rế te\n hmôu, nôu rế hơdruê lông dêi kuăn, ngế pâ hlu\m khie#n mbuăt vâ rơkong hơhdruê mê thăm rế ro tơniâ, rơmuăn, kum pro ăm dêi kuăn ai tơdroăng koi hlâk.

Dế nôkố, drêng ai tơdroăng ki tơmot hên mâu tơdroăng hơhdruê ing mâu tíu ki ê, khu rơxông nếo nôkố ôh tá ‘nhó hâk vâ khât [ă mâu tơdrá rơngêi ting ting, klêi mê, mâu vâi jâ, vâi nôu xuân preăng ai mơngế ‘nâi rơkê hơdruê lông dêi kuăn ‘ne\ng. Mâu tơdrá hơdruê lông o dêi hdroâng M’nông xuân tơ’lêi vâ hía lôi tâng vâi krâ-nho\ng o ối a mâu pơlê cheăm ôh tá pơtối rak vế [ă mơnhông. Jâ H’Plơ ngế ki rơkê rơngêi ting ting mơngế M’nông pói rơhêng vâ:

‘’Pâ tơngah kơ Đảng, Tơnêi têa to\ng kum hên tâ nếo vâ pơtối rak vế mơhno túa le\m tro mâu tơdroăng hơdruê dêi hdroâng kuăn ngo, tăng troăng ki vâ pơtối rak vế i nhên vâ ga châ tơ-[rê hên tâ, môi tiah pơtối rak vế tơdroăng tơru\m hnê hơdruê lông o tung mâu hngêi trung, krếo vâi krâ ki rơkê chu hnê a pơlê cheăm, vâ vâi o ‘nâi klê mâu tơdrá hơdruê dêi hdroâng kuăn ngo tơná drêng vâi dế hriâm a hngêi trung, ing mê, kum pro ăm vâi chiâng hmâ [ă tơdroăng rơngêi ting ting, hơdruê dêi tơná vâ pôi tá piu lôi’’.

Thị Đoắt chêh

Nhat Lisa tơplôu [ă tơbleăng