Êng: Ai hên ngế dế nôkố dế pói vâ chiâng ‘nâi pêt kơxêt. Mê ngoh ai hnê pơchân tối ki klâi [ă mơngế ki pêt kơxêt há?

Tiâ: Tiô á, tơdroăng pêt kơxêt ôh tá ‘nhó pá to lâi, ngế ki lâi rơhêng vâ pêt kơxêt, ngế ki mê xuân chiâng tơ’lêi pêt kơxêt. Nốkố drêng khoa hok kih thuât hiăng châ tơtêk [ă ki rơhêng vâ tối cho túa cheăng kơmăi, ko\ng nge# ki mơdâ pêt mô cho hmo\ng ki xiâm vâ mơjiâng kơxêt, mê túa pêt kơxêt hiăng châ po rơdâ lâp lu a mâu tơnêi tíu dêi Việt Nam. Vâi krâ-nho\ng o ki pêi chiâk tâng vâ ‘no liăn tơku\m pêt kơxêt mê tơdroăng ki kal má môi athế ai tíu ki vâ tê dêi kơxêt. Drêng pin hiăng ai hngêi kơchơ ki vâ tê rôe. Drêng pin hiăng ai tíu ki vâ tê mơdró tơniăn, pin nếo ai ivá vâ pơtối po rơdâ tơdroăng mơdâ pêt, mơjiâng xiâm hdrê lơ túa ki vâ mơdâ pêt ki dâi le\m tơniăn hên tâ nếo.

Êng: Ai môi tơdroăng drêng kuăn pơlê ki pơxiâm pêt kơxêt bố bố xuân kho. Vâi tô tuăn tiah kố, a tíu ki vâi rêh ối mê ôh tá tơtro [ă tơdroăng vâ mơjiâng pro môi kơdrum deăng ki pêt mơjiâng kơxêt. Mê ngoh ai tơdroăng hnê pơchân tối ki klâi [ă kuăn pơlê ki tơmiât môi tiah mê?

Tiâ: {ă túa ki pêt kơxêt tiô chal nếo nôkố vâi pơrá pêt tung hngêi nhe\ng, kơdroh hên ‘na tơdroăng ki tơdjâk dêi hyôh kong prâi, ‘na tơnêi tíu lơ ‘na mâu tơdroăng pá gong ki ê. Vâi krâ-nho\ng o kal athế tí tăng ‘nâi hlê nhên, athế hlê ple\ng ‘na ki kal vâ chiâng dâi le\m dêi kơxêt vâ ‘mâi rơnêu ăm ti lâi tơtro [ă hyôh kong prâi. Tơdroăng ki má péa nếo, pin athế tí tăng ‘nâi ple\ng nhên ‘na tơdroăng tê mơdró a kơchơ, a kơpong ki pin dế rêh ối, cheăng kâ; tí tăng ‘nâi ple\ng vâ ‘nâi amê vâi rơhêng vâ rôe kơxêt ki lâi, kal vâ hên iâ to lâi [ă kal vâ to lâi vâ pin bê kơxêt tê ăm vâi tơxâng. Tơdroăng ki má péa, pin athế ‘nâi tơru\m cheăng. Tơru\m [ă mơngế ki mơdâ pêt hdrối vâ pin châ hlê ple\ng ‘na kih thuât vâ mơdâ pêt lơ ai tơdroăng hnê tối ăm vâi nho\ng o ki ê xuân rơtế châ ‘nâi ple\ng há. Tơdjêp [ă mâu kơpong ki ê [ă mâu hngêi kơchơ ki rôe tê kế tơmeăm u ê vâ pin chiâng châ tơ’lêi tê dêi kơxêt tơná troh a mâu tíu ki hơngế thăm rế hên tâ.

Êng: Vâ ai môi tíu ki pêt mơjiâng kơxêt kuăn pơlê athế hbrâ pêi pro mâu tơdroăng ki tiah lâi?

Tiâ: Vâ pơxiâm mơdâ pêt kơxêt mê pin athế ai tơnêi tíu. Tơnêi tíu akố xuân chiâng lăm mung lơ tơnêi tơná pin hiăng ai hlâu thăm rế ‘ló. Ki má péa nếo, pin kal athế ai kơxo# liăn. Kơxo# liăn ki mê ngăn tiô kơ tơdroăng ki tơná pêi [ă tơdroăng ki mơngế kal vâ rôe ki pin hiăng pơkâ dêi roh apoăng nah. Pin athế ai môi tíu ki mơdâ pêt kơxêt ki dâi le\m khât, chiâng le\m ‘nâng, châ hên ngế loi tơngah vâ pin mơjiâng xiâm hdrê ki krúa dâi vâ mơdâ pêt, rak ngăn. Pin kal athế ai kih thuât mơdâ pêt i tơtro. Kih thuât kố vâi krâ-nho\ng o kal athế tí tăng hlê ple\ng xêh tiô rơ’jíu, hlá tơbeăng, internet, lơ pin krếo phôn tơdrêng ăm mâu ngế ki hiăng rơkê pêt kơxêt vâ tơngah vâi hnê tối.

Êng: A kong pơlê Kon Tum vâi krâ-nho\ng o vâ khoh mơnhông mơdêk ‘na tơdroăng pêt kơxêt mê pó athế lăm troh a mâu tíu ki lâi vâ khoh châ rôe xiâm ki  pro hdrê kơxêt vâ mơdâ pêt dêi a kơdrum deăng tơná?

Tiâ: A pơlê kong kơdrâm Kon Tum vâi krâ-nho\ng o xuân chiâng vâ tí tăng êng a mâu tíu xiâm hnê ‘na tơdroăng cheăng, mâu tíu xiâm hnê mơhnhôk pêi chiâk pêi deăng lơ Tíu xiâm xúa khoa hok cheăng kơmăi kơmok lơ Khu ngăn ‘na Khoa hok cheăng kơmăi kơmok vâ châ hnê tối lơ châ mơhno tối ăm mâu tíu ki tê ăm hdrê ki dâi le\m a pơlê kong kơdrâm Kon Tum.

Êng: Tiô tơdroăng ăm ‘nâi, tíu ki ngoh mơdâ pêt mê xuân cho tíu ki ai kơdrâm mơngế tí tăng vâ rôe hdrê kơxêt. Ngoh xuân chiâng tối tơbleăng ăm vâi krâ-nho\ng o kuăn pơlê pin ki dế kum ăm mâu hdrê ki tiah lâi tơtro [ă tíu ki ngoh pêt mơjiâng mê?

Tiâ: Dế nôkố tíu ki ai mơdâ pêt kố ai inâi ‘’Cơ sở nấm sạch Tây Nguyên’’, ối a troăng Trần Văn Hai tơkoh [ă troăng Nơ Trang Lơng. Kố cho tíu ki mơdâ pêt  kơxêt kâ [ă kơxêt pro pơkeăng, tâng vâ tối cho tíu ki pêt mơjiâng hên má môi a pơlê kong kơdrâm Kon Tum. Dế nôkố ngin dế tê ăm mâu hngêi kơchơ 4 hdrê kơxêt. Mê cho kơxê hrái báu, kơxêt klôa, kơxêt tâng lâl [ă kơxêt pâng ling. Mâu hdrê kơxêt ki kố pơrá cho hdrê kơxêt ki hmâ tê rôe a mâu hngêi kơchơ [ă xuân tơtro vâ mơdâ pêt [ă hyôh kong prâi, tơnêi tơníu a kong pơlê Kon Tum [ă hiăng châ ngin rơnêu bro ăm ga chiâng dâi le\m, tơtro [ă hyôh kong prâi a kong pơlê Kon Tum.

Êng: {ă kơdrum deăng dêi ngoh ki mơjiâng mê, tâng kuăn pơlê kal vâ lăm tăng rôe hdrê kơxêt vâ vâi pơtối djâ mơdâ pêt dêi mê vâi kô châ hnê tối tiah lâi, kô hnê vâi tiô túa ki lâi vâ pêi pro [ối ing túa kơdrum deăng ngoh hiăng hmâ pêi mê?

Êng: Ki ahdrối tâ, ngin kum ăm kuăn pơlê ki pêi chiâk pêi deăng tí tăng lăm ngăn i nhên tơnêi tíu ga ti lâi, xiâm kơnho\ng têa ga ti lâi hôm ai bê tu\m trếo ki le\m lơ ôh vâ hnê tối ăm túa ki rôe hdrê vâ mơdâ pêt ăm i tơtro. Ki má péa nếo, drêng hiăng châ mơnhên hdrê kơxêt ki vâi krâ-nho\ng o kuăn pơlê kô vâ pêt mê ngin kô hnê tối ‘na kih thuât kum ăm kuăn pơlê pêi chiâk deăng châ hlê ple\ng nhên ‘na kih thuât rak ngăn kơxêt vâ kơxêt chiâng dâi le\m, tơtro má môi. Ngin kô mơ-eăm to\ng kum rôe mâu kơxêt ki kuăn pơlê pêi mơjiâng drêng pơxiâm pêt. Pak^ng mê, ngin xuân rôe mâu kơxêt ki dâi le\m môi tiah kơxêt pâng ling. {ă mâu hdrê kơxêt ki ối drêh mê ngin kố tơbleăng tối ăm mâu tíu ki ê vâ rôe kơxêt dêi vâi krâ-nho\ng o tung mâu rơnó ki apoăng pơxiâm pêt mơjiâng kơxêt.

Mơnê ngoh hiăng tơpui tơno [ă ngin ‘na tơdroăng kố!

Khoa Điềm chêh

Nhat Lisa tơplôu [ă tơbleăng