Maluâ a cheăm Dăk Ruồng, tơring Kon Rẫy, kong pơlê Kon Tum ai hên hdroâng mơngế rêh ối hmâ tơku\m pế drôu xiâm, la tâng tối troh drôu xiâm, vâi hmâ tối troh drôu xiâm dêi jâ Y Gar a thôn 12 (Kon Slak 2). Xua ti mê, drêng pêi pro tiô tơdroăng pơkâ thế dêi tơnêi têa, rêm to cheăm môi tơmeăm khoăng, Vi [an hnê ngăn cheăm Đăk Ruồng hiăng tơmiât troh tơdroăng drôu xiâm dêi jâ Y Gar.

Pôa A Phương, mâi jâ Y Gar tối, vâ kum ăm dêi on veăng pế drôu xiâm, pôa hmâ lăm tung kong vâ ko loăng h’nhăm djâ vêh a hngêi vâ lêa xo kơtôu, pêi [ă hăng, tơvât [ă tơpoăng phái, meăn pro môi tiah kơ-[ăn, diâp ăm ga i tâk pló, klê mê nếo djâ têng a tô.

Drêng pế drôu xiâm, vâi xo pló ki hiăng têng khăng mê pêi ăm ga i xăn, liê lơ pêi tiah tơpoăng [ă hmê tơxông prăng, lơ phái râm tung pló drôu klêi mê kôm 10 hâi kơ’nâi ga hiăng chiâng drôu tơxông, lơ drôu phái. Kơtôu loăng h’nham tíu lâi xuân chiâng vâ pro pló drôu. Maluâ ti mê, ngăn tiô kơ tơrêm tơnêi tíu, kơtôu loăng h’nham ga xú pơ-ôu pơrá phá dêi pó. A cheăm Đăk Ruồng, kơtôu loăng kố a pơlê Kon Slak 2 vâi pế drôu ga tâ xú pơ-ôu, xăng le\m má môi. Tung pơla Kon Slak 2, loăng h’nham kố ga hmâ huăn xêh tung chiâk, ko xo kơtôu ga djâ vêh pế drôu kô xăng le\m. Mâu kơtôu loăng ki ê xuân chiâng vâ pro pló pế drôu la ôh tá xú pơ-ôu tơ’mô loăng h’nham.

Vâ lăm ko loăng h’nham pro pló drôu, pôa A Phương xuân môi tiah hên ngế tung pơlê hmâ rah ko loăng ki ku\n to hơto [ă hơ’ngrăng kăn chêng. Kơtôu loăng h’nham ga ai hên chhá, rơpâ, tơlêi vâ ăm i liê. Drêng pro pló, vâi hmâ xo hlá priât drêh vâ xâ pá pêng kơtum, ‘măn pló pá pêng hlá priât klêi mê, xo hlá priât ki ê nếo vâi dâp pá pêng.

Pló ki vâi pro mê lôi ton hâi ga pơ-oh tô, pló kô xông. A rơnó tô, vâi hmâ pro pló dâng 1 hâi, 1 măng pló kô xông xêh. A rơnó hngíu, drêng vâi pế drôu athế lôi ga ton tâ, ai dâng 2 hâi 2 măng mê pló nếo xông. Drêng pló hiăng xông lâp, vâi hmâ xo pló ki mê têng a tô, lơ a drá peăng on, ăm i khăng, tâ ‘măn tung klo\ng vâ pế drôu a la ngiâ.

 Tung mâu drôu xiâm ki pế [ă tơxông prăng cho xú ho\m, xú pơ-ôu má môi. Xuân pế drôu xiâm, la ki xăng ngeăm xua vâi ki ê pế ga xuân pơrá há. Vâ drôu xăng le\m, xú pơ-ôu mê athế ngăn tiô kơ pló, pló hên lơ iâ. Túa ki pế drôu dêi jâ Y Gar cho ngăn tiô kơ mâu ngế ki rơhêng vâ ôu, mê jâ kô pế xuân pơrá phá dêi pó há. Tâng drôu ki vâ ăm vâi kơdrâi ôu mê athế râm pló iâ vâ drôu ngeăm le\m, tâng pế drôu ăm vâi kơnốu i ôu mê jâ kô rơvât pló hên vâ drôu xăng hên tâ, [ă ngeăm krâ kơvâ.

Ôh tá xê hmôu pơ chiâng ai xêh inâi ki rơkê pế drôu le\m, mê jâ Y Gar chiâng pế drôu xiâm xua châ kuăn pơlê [ă mâu vâi krâ- nho\ng o akố tối cho xăng le\m, xú pơ-ôu le\m má môi dêi kơpong kố. Cho ngế ki pế drôu rơkê, châ ô eăng, jâ cho cô hnê chư, mê jâ châ lăm troh hên h^n vâ hriâm ngăn ‘na túa pế drôu ki pơrá phá dêi pó. Tơdrêng amê, rơtế [ă tơdroăng pế drôu xiâm hên hơnăm, nâ rơkê tung tơdroăng ki vâ pế tiô túa krê dêi tơná, mơjiâng chiâng inâi krê xêh ki xú pơ-ôu, xăng ngeăm le\m, ôh tá bô bối vâi ki ê [ă kô chiâng pế tiô dêi tuăn tơná tơmiât.

Jâ Y Gar ai tối, rêm ngế drêng pế drôu hmâ xâ mơnoh pá kơdâm pông, tơdroăng kố tơtro la xuân ai drăng tíu ki ôh tá hâi ‘ló. Tơdroăng ki tâ mơnoh tung kơdâm pông drôu ga tơ’lêi vâ hrik [ă triăng, xua ga hông ai hyôh pá kơdâm, ôh tá kreăng xua pông kơdât, la drêng ôu hmâ tâ the\n a krôk, xua ing mơnoh pro. {ă jâ, jâ ôh tá xâ mơnoh tung kơdâm pông, xua mê, drêng hrik drôu ga ôh tá the\n a krôk.

Vâ pôi tá ai tơdroăng tiah mê, pôa A Phương, cho mâi jâ Y Gar ai túa pêi ki krê xêh tung tơdroăng pế drôu. Triăng dêi pôa A Phương pro ai pong tru\m ki ku\n a ko phêa. Ing tru\m ki mê ga kô tah lôi pông ki krêa tung pôm triăng, tơ’lêi drêng vâ hrik drôu drăng krôk, rơkong.

Hdrối nah, jâ xuân môi tiah vâi krâ-nho\ng o tung pơlê hmâ pêt tơxông prăng a chiâk deăng ki nếo treăm. La xua poh xá ki nếo ôh pá ai, to lâi hơnăm achê pơla kố, jâ hmâ pêt dêi tơxông prăng a 2 sao klâng tơná, pêt tơxông prăng vâ pế drôu.

Hiăng chiâng inâi krê dêi drôu xiâm tơná, la jâ Y Gar ôh tá xê tiah mê tê to kơnâ luâ tâng mâu vâi ki ê. Pế drôu xiâm le\m, hmâ ai hên ngế troh vâ rôe, mê jâ nếo pế drôu [ă tơxông prăng. Ki hên mâu ngế ki rôe mê cho pú hmâ, kuăn pơlê tung kơpong [ă mâu ngế ki hmâ a pơlê kong kân Đà Nẵng, Bình Định, Pơlê kong kân Hồ Chí Minh [ă hên tíu ki ê.

Hlá tơbeăng Kon Tum

Nhat Lisa tơplôu [ă tơbleăng