Êng: Pâ kih sư ăm ‘nâi tơdroăng krí kơphế ôh tá tro kih thua#t kô pro tơdjâk klâi troh loăng kơphế xuân môi tiah ki dâi le#m dêi kloăng kơphế?

Kih sư Võ Văn Thắng:  Krí kơphế ôh tá tro kih thua#t ki hdrối tâ kô pro ăm ngế ki krí ôh tá ai ivá, tơdjâk troh ki dâi le#m tung pơla krí. Má péa kô tơdjâk troh kơdrum kơphế pá vâ ‘mâi mơnhông klêi kơ’nâi krí, kơdroh ki dâi le\m ăm mâu rơnó pơtối. Drêng krí ôh tá tro kih thua#t, ki dâi le\m dêi plâi xuân tro tơdjâk xua vâi krâ nho\ng o krí plâi ối drêh, plâi kơbâng [ă krí tá kơpâu drêng mê ah pá vâ têng, [ă kơphế khăng ôh tá tơ’mô.

Êng: Tiah mê, ô kih sư krí kơphế môi tiah lâi gá tro tơdroăng [ă kih sư ai pơchân klâi drêng krí kơphế?

Kih sư Võ Văn Thắng: Ki apoăng, hdrối vâ krí 15 hâi vâi krâ nho\ng o athế kơdê hmui vâ tơ’lêi hlâu tung tơdroăng krí xo plâi. Klêi kơ’nâi kơdê hmui pin lăm ngăn dêi kơdrum hlo xiâm ki lâi ai plâi tum sap 30 troh 40% mê pin krí rôh má 1. Hdrối vâ krí vâi krâ nho\ng o xuân athế hbrâ mâu kế tơmeăm, môi tiah: Kơnêp poê tơkâng, tăng ki vâ hếo krí, ki truâ ko\ng, [aih, kơxâk. Kơxâk athế xúa kơxâk ki krúa. Tâng xúa kơxâk tâ phon [ă tâ trếo pơkeăng mê athế roh krúa, la ki tro tâ cho athế xúa mâu kơxâk ki nếo vâ pôi tá tơdjâk ‘mêi troh ki dâi le\m dêi kơphế.

Vâi krâ nho\ng o athế xoăng pro 3 rôh krí. Rôh má môi pôi tá krí mâu plâi ki ối drêh xua drêng kố mâu plâi ki ối drêh tá hâi ai tu\m trếo ki khăng. Tâng pin krí mâu plâi ki ối drêh mê kô pro kơdroh ki dâi le\m [ă kloăng kơphế ôh tá châ rak tơniăn. Troh rôh krí má 3 pin krí tâi mâu plâi ki ối drêh xua drêng kố plâi gá hiăng krâ la gá tá ai tu\m tơdroăng ki vâ tum mê tá hâi hơ’lêh mơngiơk khêi.

Êng: Ô kih sư,  drêng krí, pin kal rak ngăn kơphế môi tiah lâi vâ kơdroh tơdroăng ki pôi tá tơdjâk troh ki dâi le\m dêi kơphế?

Kih sư Võ Văn Thắng: Klêi kơ’nâi vâi krâ nho\ng o krí, tâng pin ai mâu kế tơmeăm, pin athế uâ tah kơtôu tơdrêng hlối gá tro. Tâng ôh tá uâ tơdrêng mê kơphế vo#i pin ôh tá chiâng lôi ton hluâ tâ 48 chôu. Má péa nếo, tung pơla têng khăng, vâi krâ nho\ng o pôi tá têng hên, têng hơbo hluâ tâ 40 cm, xua drêng mê gá kô lo hyôh ki tô. Tung pơla lo hyôh ki tô tiah mê kô pro chiâng u\m xuân môi tiah ai mâu pơreăng ki pro ‘mêi troh ki dâi le\m dêi kloăng kơphế, [ă hnối tơdjâk troh ivá châ chăn kuăn mơngế. Tâng trâm kong prâi ôh tá tơniăn, ôh tá chiâng uâ mơdiê tơdrêng mê pin tăng tíu ki rơngiâp, ok, têng rak ngăn rêm hâi vâ ví tơdroăng ki kơphế lo hyôh ki tô. Tâng ai liăn ngân pin mung tíu ki têng kơ-óu kơphế drêng kong mê ton hâi.

Klêi kơ’nâi têng khăng, tâng hnôu ‘măn ôh tá bê rơdâ pin athế rak ‘măn a tíu ki dâi le\m tâ. La ki hên pin hmâ uâ xo kloăng vâ ‘măn. Mê á pơchân drêng uâ xo kloăng vâ ‘măn pin kal tơdro\ng troh ki hngiâm kơchoh. Ki hngiâm kơchoh ối tung hnôu ôh tá hluâ tâ lối 15 đo#. Tâng ki hngiâm kơchoh hên kô pro kơphế tro u\m. Thăm nếo ki hngiâm kơchoh hên luâ râ chiâng tơdjâk troh kơphế ôh tá dâi le\m.

Tung pơla chêp kơxâk xi ngâ kơphế ‘măn tung hnôu, pin athế tơtro\ng troh pá kơdâm dêi hnôu athế xâ [aih balet. Tâng ôh, pin xúa mâu loăng sâ pa kơdâm vâ ‘măn kơxâk vâ kơxâk pôi tá chuih tit a tơnêi. Xua ‘măn tơdrêng a tơnêi kô pro ăm kơphế lo pơ-oh, drêng trâm kong tô ôh tá rơngiâp. Ki má péa nếo, drêng ‘măn kơphế tung hnôu, pin pôi tá hgiên kơxâk tro drăng mơnât hnôu mê pin athế ‘măn kơtăn ing mơnât hngêi dâng 30 cm vâ ai tơdroăng ki phuâng rơngiâp vâ ví tơdroăng ki hngiâm kơchoh ing hnôu tơdjâk troh kơphế. {ă hnôu athế ai ki phuâng rơngiâp vâ hơ’lêh hyôh pơla pá gong [ă tung dế hnôu.

Mơnê kơ kih sư!

Gương tơplôu [ă tơbleăng