Êng: Ô pôa, vâ pêt kơphế a tơnêi hyôh kong hngiú mê ki hdrối vâi krâ nho\ng o thế hbrâ mâu tơdroăng ki apoăng tiah lâi?

Pôa Cáp Thế Kiệt: Vâ châ pêt kơphế Catimor kố, ki vâi hmâ tối cho kơphế chếi mê tơdroăng ki pêi pro apoăng cho thế rak tơniăn ki a ‘ngêi dêi loăng, thế kơpêng 800m tâng vâ pơchông [ă rơgâ têa kơx^. Má péa, kuăn pơlê pin thế chiâ kloh. Chiâ kloh thế 40x40cm la tối ăm kuăn pơlê pin thế vê 2 rơtá  kuăn pơlê pin kô hlê. Klêi mê nếo, thế chiâ kloh hdrối ai môi khế vâ pro ăm tơnêi hngiâm drêng pêt ah loă re\ng xông rơdêi.

Êng: Klêi chiâ kloh tung pơla pêt kuăn pơlê pin thế pro ti lâi?

Pôa Cáp Thế Kiệt: Kong prâi tơtro [ă tơnêi akố kuăn pơlê pin pêt, Khu xiâm ngăn ‘na pêi chiâk deăng kô kum ăm hdrê [ă djâ hdrê mê ăm tơrêm rơpo\ng ki pêt. Kuăn pơlê lôi dâng 5 troh 10 hâi vâ ăm loăng xông nếo [ă klêi mê nếo pêt. Tơdroăng vâ pêt môi xiâm kơphế, ki hdrối kuăn pơlê thế djâ troh a chiâk, lôi 5-7 hâi ‘nôi vâ ăm loăng mê hmâ [ă hyôh kong prâi amê, klêi mê nếo djâ troh a klôh lêa tah chhá kilía hlối pêt. Drêng pêt thế pêi [a\ ko\ng hmât rơtâ tá xiâm ăm gá krá a xiâm pôi tá tơdro xiâm gá, mê loăng ki pêt kô rêh.

Êng: Tung hơnăm apoăng klêi pêt kuăn pơlê kal thế tơtro\ng tơdroăng klâi tung tơdroăng rak ngăn deăng pêt kơphế ki tơná?

Pôa Cáp Thế Kiệt: Tung hơnăm apoăng tơdroăng vâ loăng xông rơdêi. Mê cho tơdroăng tơbriât xông kân pơla loăng kơphế [ă nhâ. Nhâ ki huăn xêh gá xông rơdêi, kuăn pơlê pin po nhâ. Tung tơdroăng ‘na kih thuât pơkâ mê pin thế po nhâ péa troh pái hdrôh la ngăn tiô kô tơnêi há [ă nhâ ki huăn mê gá ti lâi kuăn pơlê pin kô chiâng vâ po sap pái troh 4 hdroh. Mê cho tơdroăng ki pin thế tơtro\ng má môi vâ loăng kơphế châ xông rơdêi.

Êng: Pơtối tung hơnăm má péa [a\ má pái troh drêng loăng kơphế hiăng ai plâi krí rôh apoăng, tơdroăng rak ngăn pơla kố thế châ pêi pro môi tiah lâi vâ pơtối ăm loăng kơphế xông kân, rơdêi?

Pôa Cáp Thế Kiệt: Troh loăng kơphế hơnăm má péa kuăn pơlê pin hnêi dêi mâu hmo\ng, lôi dêi ôi pái hmo\ng ki xiâm lơ péa hmo\ng vâ pro ăm ai tơkâng ki tơku\m vâ mơ’drêh dêi loăng. Drêng loăng gá hiăng xông kân troh hơnăm má pái cho hiăng ai plâi hơnăm apoăng, la plâi gá le\m iâ. Hmâ hlo kuăn pơlê pin lôi dêi loăng rế hên tơkâng, thăm rế hên tơkâng kuăn pơlê tơmiât kô ai plâi hên, la ki khât gá ôh tá xê ti mê.

Êng: Môi tung mâu tơdroăng vâ loăng kơphế xông kân, rơdêi, xuân thế pêi tro tơdroăng kơdê ôa hdrong. {ă loăng kơphế kố pôa hôm ai tơdroăng vâ hnê thế kuăn pơlê tơtro\ng tơdroăng klâi tung kơdê ôa hdrong kâ ‘nhiê loăng?

Pôa Cáp Thế Kiệt: Tung tơdroăng kơdê ôa hdrong, kơpong kố xuân cho kơpong ki nếo ki pin pêt, mơngế ki pêt hâi teăm hên, ôa hdrong hâi hên. Loăng kơphế tung pơla kố vâi tối hâi ai tơkâng hên, iâ hdrong, bú hlo ai mâu ôa rơbông tê. Ôa rơbông mê kăn [o# kih thuât kô troh a tơrêm to chiâk vâ ngăn ki hên iâ gá ti lâi vâ kum kuăn pơlê ‘na pơkeăng hlối vâ hnê kuăn pơlê xôh kơdê ôa hdrong.

Êng: Môi tung mâu tơdroăng cheăng xuân kal há mê cho tơdroăng tung pơla krí plâi kuăn pơlê krí môi tiah lâi vâ tơniăn ‘na kơxo# plâi tum hên xuân môi tiah ki ăm le\m dêi kơphế pêt a tơnêi ai hyôh kong hngiú?

Pôa Cáp Thế Kiệt: Hdrối nah, kuăn pơlê pin hmâ krí môi hdrôh. Pơtih môi tiah loăng kơphế gá tum sap 10-20%, mê vâi krếo mâu ki rôe, mâu ki rôe vâi troh rôe [ă yă rơpâ. La klêi kơ’nâi ai tơru\m cheăng pơla khu mơdró [ă mâu kăn [o# kih thuât pơkuâ tơrêm to cheăm troh a chiâk hnê kuăn pơlê mê nếo hlo tơ-[rê iâ. Kuăn pơlê krí pái troh 4 hdroh tung môi rơnó, malối rah mâu plâi ki tum vâ krí. Kăn [o# kih thuât ai mâu rôh lăm troh a chiâk hnê kuăn pơlê krí. Klêi mê tơku\m kuăn pơlê tối pêi mâu túa pêi cheăng vâ kuăn pơlê krí mê ah ki le\m dêi plâi [ă yă châ tơniăn há.   

Êng: Tung pơla séa ngăn kuăn pơlê pêt kơphế a tơnêi kong hngiú, ki pá má môi kuăn pơlê hmâ trâm mê cho tơdroăng klâi?

Pôa Cáp Thế Kiệt: Drêng ‘nâ kuăn pơlê pin akố ối pêi to [ă ko\ng. Pơtih gá rơnó pêt kơphế pơ’lăng tro rơnó kuăn pơlê krí xo dêi kế tơmeăm. Mê cho ki pá. Vâ mơhnhôk kuăn pơlê pin tơku\m pêi kơphế xuân pá há. Má péa nếo, deăng pêt kuăn pơlê pêt iâ utâi 1 sao, utá 1 sao, kơtăn péa pái km pêt 1 sao nếo, ti vâ pro kơnâng kâng ôh. Hnê kuăn pơlê thế pơkâ nếo kơpong pêt vâ kuăn pơlê tơ’lêi tung rak ngăn [ă ‘no liăn pêi ngăn  tơtro hlâu tâ.

Êng: Hôm mơnê kơ pôa hiăng tơpui tơno [ă ngin ‘na tơdroăng kố.

Khoa Điềm chêh

Gương tơplôu [ă tơbleăng