Jâ Y Thôn, cho ngế pơkuâ hngêi trung mâm non dêi tơring Đăk Glei, kong pơlê Kon Tum, nôkố hiăng pơtê, ối a thôn 14B, cheăm Đăk Pek. Jâ Y Thôn hơ’muăn tối tiah kố, hdrối nah, pơlê ối a hbêa ngo, tâ tá to ngo kân, troăng prôk pá puât, prôk lăm ôh tá xê hlâu, laga, kơpong ki mê xuân ai hên têa plông, thông trâu, mê cho tíu ki ai hên khu ká, xixo\ng, hjuô, kơteăm.

Vâi lăm tăng ká ki ối rêh, rup xo, túa ki xúa ga hmâ hlo, vâi tâ tung hdro, lơ khó [ă po hăng; kơhiâm luâ tâ drêng tơvât [ă rôa priât, kló priât kơbâng vâ chiê hơtăng, tơpăng drêh, lơ hlá pôm loăng [ă hên mâu kơchâi ki ê. Drêng châ rup ká hên vâi kô têng a tô lơ a drá peăng ăm i khăng, pro pơkhăng, lơ djâ lăm a chiâk, lơ kâ tung pơla ton hâi.

Ing mâu tơmeăm kâ ki tiah mê, tơdroăng ki pế [ă ká, mê hdrối nah, mâu rơpo\ng a pơlê hmâ tơku\m vâ pế pơchên mâu túa kơchâi mâm ká, ing mê, khoh chiâng ai ká pêi [ă tiu kong, vâi hmâ djâ tơvế lăm a chiâk lơ kâ a mâu hâi kong mêi, ga tơ’lêi.

Ká pêi [ă tiu kong

Tiô jâ Y Thôn, vâi xuân chiâng xo ká ối drêh, lơ ká hiăng têng khăng vâ pêi ká [ă tiu kong xuân chiâng há. Ki ahdrối tâ, vâi pro ká krúa, pôh a kơnoh on ăm i chên, tah lôi kơxêng ká, xo to hơ’neh ga tê, klêi mê, vâi pêi, tơvât [ă hăng, tiu, plăng hdrối vâ kơ-óu, chiâng kơchâi kâ ki kơhiâm.

Nốkố, ká ki pêi [ă tiu kong ti xê to kâ tung rơpo\ng hngêi, mê ối chiâng túa cheăng ki vâ pơchên kơchâi kâ tê mơdró dêi rơpo\ng jâ Y Thôn. Hdrối nah, vâi hmâ xo ká têa plông vâ pêi, la nôkố ká têa plông rế hía rế preăng ai, mê rơpo\ng jâ Y Thôn hiăng xo ká têa kơx^ ki hmâ hlo cho ka nục. Xua ká nục ai hơ’neh hên, tơ’lêi tah kơxêng, hơ’neh kơhiâm [ă hơ-iâ le\m.

Xuân pro tiô túa ki hmâ roh vâi krâ roh nah, ká nục ki ối drêh vâi kô djâ têng a kong tô, vâi hmâ rôe xo ing Đà Nẵng, Quảng Nam, Bình Định [ă mâu kong pơlê ki ê, vâ pro tơmeăm kâ ki xiâm, klêi mê ai tơvât [ă mâu kơte\m, hăng, tiu, plăng. Ki rơhêng vâ tối, vâ khoh chiâng pro kế kâ kố, ôh tá păng loi tiu kong. Ai péa túa tiu kong, mê cho kloăng ki kân [ă kloăng ki ku\n, athế rah xo tiu kong kloăng ku\n mê nếo xú ho\m, ga cho vâ mơhno tơdroăng ki kơhiâm tro má môi.

Pêi ká ga tơ’lêi hlâu, la vâ ká pêi mê kơhiâm, châ rak tơniăn krúa le\m, ki ahdrối tâ, ká athế ối drêh. Ká nục mê athế têng môi hâi tô, djâ vêh a hngêi xếo krúa hdrối vâ pôh a khâng on, ăm ga i chên. Jâ Y Thôn ai tối tiah kố: ‘’Ká kal athế ai hên mâu nhâ xú ho\m, ing kơte\m, hăng, plăng, kơte\m, pơrá athế pêi krê xêh tung póu, hdrối vâ tơvât tơdjuôm. Tiah mê, ga nếo rak vế ki xú le\m dêi rêm nhâ ho\m [ă chiâng kơchâi kâ ki kơhiâm má môi. Troh a roh pêi ká, tơvât ká [ă mâu nhâ ho\m mê, vâi kơ-óu tung hdro, kô mơjiâng pro ká khăng, tơkôm ngê, vâi kơxuô nếo tê’’.

Ing kế kâ tiô túa vâi krâ roh nah dêi rơpo\ng hngêi, ká pêi tiu kong hiăng châ Y Hạnh, kuăn kơdrâi jâ Y Thôn mơhno tối, mơ’no tê kơnôm ing inâi ki chêh tối tung Facebook. Klêi kơ’nâi pro kơchâi kố hên troh dâng lâi, vâi xuân châ tê dêi tâi troh dâng mê. Ká pêi mê kơhiâm lơ ôh, cho hiăng châ mơhno tối a  tơdroăng ki ai kơdrâm lơ iâ tơmối rơhêng vâ troh lăm rôe ká pêi ki kơhiâm, xú ho\m kố.

Hlá tơbeăng Kon Tum

Nhat Lisa tơplôu [ă tơbleăng