VOV4.Sêdang - Ƀơrô Hô̆i đong kong pơlê Kon Tum tối ăm ‘nâi, Hneăng hôp má môi Hô̆i đong kong pơlê Hneăng má XII (hneăng hơnăm 2021 - 2026) tiô tối hdrối tơkŭm po tung 2 hâi (sap lơ 1 – 2/7/2021) a Hngêi hôp kân Ngọc Linh, pơlê kong kơdrâm Kon Tum.

A hneăng hôp kô tơkŭm po séa ngăn mơ-éa tơbleăng ‘na mơngế pêi cheăng, 4 hlá mơ-éa tơbleăng tơdroăng tơkêa bro Pơkâ xua Khu pơkuâ Hô̆i đong kong pơlê tơbleăng dêi mâu Khu pơkuâ Hô̆i đong kong pơlê, Vi ƀan kong pơlê kô tơbleăng Hô̆i đong kong pơlê 7 tơbleăng, môi tiah: Tơbleăng ‘na tơdroăng pêi pro mâu hnoăng cheăng kâ – rêh ối pơlê pơla, cheăng lêng – gâk kring 6 khế apoăng hơnăm ƀă troăng pêi la ngiâ, hnoăng cheăng 6 khế mơ’nui hơnăm; tơbleăng ‘na pêi pro xo hnoăng liăn, mơ’no hrê liăn ngân tơnêi têa 6 khế apoăng hơnăm; tơbleăng ‘na pêi pro kơdĭng, hbrâ mơdât mơ’nhê tê kơtê 6 khế apoăng hơnăm ƀă troăng pêi la ngiâ, hnoăng cheăng 6 khế mơ’nui hơnăm; ƀă hía hé. Tiô tối hdrối ai 12 hlá mơ-éa tơbleăng tơdroăng tơkêa bro Pơkâ kô châ Viƀan kong pơlê tơbleăng a Hneăng hôp roh kố.

A Sa Ly tơplôu ƀă tơbleăng