VOV4.Sêdang - Hâi lơ 17/6, a tíu tê mơdró tơkăng kong Bờ Y, tơring Ngọc Hồi, Khu ngăn pêi cheăng ƀă Khu lêng hơnăm hiăng krâ kong pơlê Kon Tum tơkŭm po diâp ăm kên pâng môh rơkong hbrâ mơdât pơreăng COVID-19 rơtế ƀă mâu tơmeăm hbru ăm dêi Khu ngăn cheăng pêi  dêi kŏng đoân kong pơlê Attapeu, Khu ngăn mâu lêng hơnăm hiăng krâ Attapeu ƀă Khu ngăn mâu lêng hơnăm hiăng krâ kong pơlê Sekong, kong têa Lếo.

Khu ngăn mâu lêng hơnăm hiăng krâ kong pơlê Kon Tum diâp kên pâng môh rơkong ăm Khu ngăn mâu lêng hơnăm hiăng krâ kong pơlê Attapeu ƀă Sekong

Khu ngăn cheăng pêi kong pơlê Kon Tum diâp ăm Khu tơrŭm cheăng kŏng đoân kong pơlê Attapeu 10 rơpâu plâ kên pâng môh rơkong pơkeăng, 150 kong kếo têa pơkeăng kơdê pơreăng ƀă hên tơmeăm ki ê tâi tâng kơnâ 20 rơtuh liăn.

Khu lêng hơnăm hiăng krâ kong pơlê Kon Tum diâp ăm Khu tơrŭm cheăng ngăn mâu lêng hơnăm hiăng krâ kong pơlê Attapeu, Khu ngăn mâu lêng hơnăm hiăng krâ Sekong 15 rơpâu plâ kên pâng môh rơkong pơkeăng rơtế ƀă hên mâu tơmeăm ki ê tâi tâng kơnâ 30 rơtuh liăn.

Gương tơplôu ƀă tơbleăng