VOV4.Sêdang - Hlo tơdroăng ki hên kuăn pơlê dêi Pơlê kong kân Hồ Chí Minh ôh tá ai kơchâi kâ tung mâu hâi ki klâ krê hbrâ mơdât pơreăng COVID-19, sap ing kơxo lơ 12/7, hên Kâu lak ƀô̆, Đô̆i, Khu ki pleăng dêi ivá xua pơlê pơla ƀă lối hrĭng ngế cheăng a kong pơlê Kon Tum hiăng tơkŭm gô̆m xo kơchâi drêh ƀă tơdroăng pơkâ cho troh kơxê kố lơ 13/7 kô pơtroh dâng 10 tâ̆n kơdrâi drêh kum kuăn pơlê Pơlê kong kân Hồ Chí Minh, mâu kâu lak ƀô̆, Đô̆i, Khu ki pleăng dêi ivá xua pơlê pơla a Kon Tum hiăng pơkâ gô̆m xo châ dâng 10 tâ̆n kơchâi drêh pơtroh ăm kuăn pơlê Pơlê kong kân.

Pakĭng mâu kơchâi kâ rêm hâi, môi tiah hơpê, mùng tơi, kơchâi ƀôt ngot ƀă hên kơchâi ki ê ối ai póu, tơ-uâ, prá ki xŏn chiâng vâ kâ ton hâi. Kăn pơkuâ Kâu lak ƀô̆ Tôi yêu Kon Tum ăm ‘nâi, túa pơkâ pơtroh ƀă xing xoăng kơchâi drêh tung pơla ai pơreăng COVID-19 xuân hiăng châ tơmiât rak tơniăn kơchâi drêh troh kŏng kuăn pơlê dêi Pơlê kong kân rĕng ƀă tơniăn má môi.

Katarina Nga tơplôu ƀă tơbleăng